নিউজ ডেস্ক,১৬জুলাই : পুনৰ চুবুৰীয়া ৰাজ্য মিজোৰামত বি এছ এফ, মিজোৰাম আৰক্ষী আৰু মিজোৰামৰ বিশেষ নাৰ্কোটিকছ বিভাগৰ যুটীয়া অভিযান । অভিযানত জব্দ বুজন পৰিমাণ নিচা জাতীয় সামগ্ৰী(BSF and Mizoram Police seized 720 bottles of Codeine)।
বি এছ এফ, মিজোৰাম আৰক্ষী আৰু মিজোৰামৰ বিশেষ নাৰ্কোটিকছ বিভাগে জব্দ কৰে এই নিচাজাতীয় সামগ্ৰীসমূহ।
বি এছ এফৰ এক সূত্ৰই সদৰী কৰা মতে,এক গোপন তথ্যৰ ভিত্তিত মিজোৰাম-কাছাৰ ফ্ৰন্টিয়াৰৰ আইজলত নিয়োজিত বি এছ এফৰ ৩৮ নম্বৰ বেটেলিয়ান, মিজো আৰক্ষী আৰু নাৰ্কোটিকছ বিভাগে আইজলৰ এডেনথৰত যুটীয়া অভিযান চলাইছিল । অভিযানত ৭২০ বটল কডেইন কফ চিৰাপ জব্দ কৰা হয়। জব্দ কৰা কফ চিৰাপৰ মূল্য কেইবা লাখ টকা হ’ব বুলি অনুমান কৰা হৈছে। ইফালে, অবৈধ কফ চিৰাপ সৰবৰাহৰ অভিযোগত এজন ভাৰতীয় লোকক গ্ৰেপ্তাৰ কৰা হৈছে(BSF and Special Narcotics, Mizoram Police seized 720 bottles of Codeine in Mizoram)।
জব্দ কৰা সামগ্ৰী আৰু ধৃত সৰবৰাহকাৰী জনক পিচত স্থানীয় থানাত গতাই দিয়া হয়।