নিউজ ডেস্ক,১৪জুলাই : পুনৰ গ্ৰেপ্তাৰ ভিক্টৰ দাস।সুৰামত্ত অৱস্থাত পথত অৰ্ধ উলংগ হৈ উদ্ভণ্ডালি কৰি গ্ৰেপ্তাৰ ভিক্টৰ দাস। সুৰামত্ত অৱস্থাত অৰ্ধ নগ্ন হৈ পথৰে যোৱা যান-বাহনত আক্ৰমণ কৰাৰ অভিযোগ ভিক্টৰ দাসৰ বিৰুদ্ধে। ইফালে তদন্তৰ বাবে যোৱা দদৰা আৰক্ষীৰ এগৰাকী বিষয়াকো আক্ৰমণ কৰাৰ অভিযোগ উত্থাপন হৈছে দাসৰ বিৰুদ্ধে(Victor Das Arrested)।
ঘটনাৰ বৰ্ণনা অনুসৰি, শনিবাৰে নিশা নিচাসক্ত অৱস্থাত ভিক্তৰ দাসে অৰ্ধ উলংগ অৱস্থাত কামৰূপৰ দদৰা-পছৰীয়া পথত কেইবাখনো বাহন আগভেটি ধৰি ক্ষতিগ্ৰস্থ কৰাৰ লগতে বিনা দোষত মাৰধৰ কৰিছিল আৰোহীক।এই ঘটনাৰ বিৰুদ্ধে দদৰা আৰক্ষী চকীত ভুক্তভোগীয়ে ভিক্তৰ দাসৰ বিৰুদ্ধে দাখিল কৰিছিল এজাহাৰ।
এজাহাৰৰ ভিত্তিত ভিক্তৰ দাসক আটক কৰিবলৈ যোৱা দদৰা আৰক্ষী চকীৰ ভাৰপ্ৰাপ্ত বিষয়া অৰ্জুন তালুকদাৰক প্ৰহাৰ কৰে ভিক্তৰ দাসে। মুখৰ লগতে শৰীৰৰ কেইবা ঠাইতো আঘাতপ্ৰাপ্ত হৈছে আৰক্ষী বিষয়াগৰাকী। তাৰপিছত নিশাই দদৰাস্থিত নিজ বাসগৃহৰ পৰা কামৰূপ আৰক্ষীৰ অভিযানত গ্ৰেপ্তাৰ হয় ভিক্তৰ দাস।