Terrorists attack Army vehicle in Jammu and Kashmir : জম্মু-কাশ্মীৰত সন্ত্ৰাসবাদীৰ আক্ৰমণ;নিহত ৫জন সেনা জোৱান,আহত ৫জন জোৱান
নেশ্যনেল ডেস্ক,৯জুলাই : পুনৰ জম্মু-কাশ্মীৰত সন্ত্ৰাসবাদীৰ আক্ৰমণ । ভাৰতীয় সেনাৰ কনভয়ত সন্ত্ৰাসবাদীৰ আক্ৰমণ । সন্ত্ৰাসবাদীৰ আক্ৰমণ নিহত ৫জনকৈ সেনা জোৱান লগতে আহত হয় ৫জনকৈ জোৱান ।আহত জোৱানকেইজনৰ স্বাস্থ্য বৰ্তমান সুস্থিৰ বুলি জানিব পৰা গৈছে(Terrorists attack Army vehicle in Jammu and Kashmir)।
জানিব পৰা মতে, কঠুৱা চহৰৰ পৰা ১৫০ কিলোমিটাৰ নিলগৰ লোহাই মালহাৰৰ বদনোটা গাঁৱৰ সমীপত সোমবাৰে বিয়লি প্ৰায় ৩.৩০ বজাত মাচেদি-কিন্দলী-মালহাৰ পথত নিয়মীয়াকৈ টহল দি থকা সেনাৰ বাহনত সন্ত্ৰাসবাদীয়ে গ্ৰেনেড নিক্ষেপ কৰি গুলীচালনা কৰে । প্ৰথমে গুলী আৰু পিছত গ্ৰেনেড নিক্ষেপ কৰি সন্ত্ৰাসবাদীৰ দলটো কাষৰ ঘন অৰণ্যলৈ পলায়ন কৰে। সন্ত্ৰাসবাদীৰ আক্ৰমণৰ প্ৰত্যুত্তৰ নিৰাপত্তা বাহিনীয়ে দিয়ে যদিও সন্ত্ৰাসবাদীকেইটা ওচৰৰ অৰণ্যলৈ পলায়ন কৰে বুলি বিষয়াসকলে জনায়(5 Army Personnel Killed, 5 Injured In Ambush By Terrorists In J&K’s Kathua) ৷
এজন সেনা বিষয়াৰ উদ্ধৃতি দি পি টি আয়ে প্ৰকাশ কৰা অনুসৰি, এই ঘটনাত মুঠ ১০ জন সেনা আহত হয় আৰু পিচত ইয়াৰে ৫ জনে মৃত্যুবৰণ কৰে । বিগত চাৰি সপ্তাহত কঠুৱা জিলাত সংঘটিত এইটোৱেই আছিল দ্বিতীয়টো বৃহৎ ঘটনা । যোৱা ১২ আৰু ১৩ জুনত তালাচী আৰু ঘেৰাও অভিযানৰ সময়ত দুয়োপক্ষৰ গুলীচালনাত দুটা সন্ত্ৰাসবাদী নিহত হোৱাৰ বিপৰীতে এজন চি আৰ পি এফ জোৱান শ্বহীদ হয় ।
লগতে পঢ়ক : Vegetable Prices Hiked Again: কাণষাৰ নাই চৰকাৰ তথা সংশ্লিষ্ট বিভাগৰ