Drugs seized in Cachar : কাছাৰ আৰক্ষীৰ বৃহৎ সফলতা; STF আৰু কাছাৰ আৰক্ষীৰ অভিযানত জব্দ ৪ কোটি টকাৰ হেৰ’ইন
নিউজ ডেস্ক,২৭জুন : ৰাজ্যত ড্ৰাগছৰ বিৰুদ্ধে অব্যাহত আছে আৰক্ষীৰ নিৰৱিচ্ছিন্ন অভিযান । ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ(Drugs seized in Cachar) ।
ৰাজ্যজুৰি প্ৰতিদিনেই ড্ৰাগছ বিৰোধী অভিযান অব্যাহত থকাৰ পিচতো গা ল’ৰা নাই একাংশ সৰবৰাহকাৰীৰ ৷ একাংশ সৰবৰাহকাৰীয়ে এতিয়াও আৰক্ষীৰ চকুত ধূলি ছটিয়াই ড্ৰাগছৰ অবাধ বেহা চলাই আছে ৷
ৰাজ্যৰ অন্য প্ৰান্তৰ সমান্তৰালকৈ কাছাৰত অব্যাহত আছে ড্ৰাগছৰ ৰমৰমীয়া ব্যৱসায় । কাছাৰ আৰক্ষীয়েও প্ৰায় প্ৰতিদিনেই চলাই গৈছে ড্ৰাগছৰ বিৰুদ্ধে অভিযান ।
পুনৰ বৃহৎ সফলতা কাছাৰ আৰক্ষীৰ । STF আৰু কাছাৰ আৰক্ষীৰ যুটীয়া অভিযানত জব্দ প্ৰায় ৯০০ গ্ৰাম হেৰ’ইন ।
গোপন সূত্ৰৰ পম খেদি কাছাৰৰ কৃষ্ণপুৰত কাছাৰ আৰক্ষী আৰু STF য়ে চলাইছিল এক অভিযান । অভিযান কালত AS-01-BY-7234 নম্বৰৰ এখন Wagoner বাহনত তালাচী চলোৱাত ৬৮ টা চাবোনৰ বাকচত প্ৰায় ৯০০ গ্ৰাম হেৰ’ইন জব্দ কৰিবলৈ সক্ষম হয় ।
বুজন পৰিমাণৰ ড্ৰাগছসহ আৰক্ষীয়ে গ্ৰেপ্তাৰ কৰে জমশেৰ মজুমদাৰ নামৰ এটা সৰবৰাহকাৰীক । ধৃত সৰবৰাহকাৰীটোৰ ঘৰ কাছাৰৰ বৰখলাত বুলি আৰক্ষীয়ে সদৰী কৰে । ইপিনে জব্দ হোৱা হেৰ’ইনখিনিৰ বজাৰ মূল্য ৪ কোটিৰ অধিক বুলি জানিবলৈ দিয়ে কাছাৰৰ অতিৰিক্ত আৰক্ষী অধীক্ষক সুব্ৰত সেনে । লগতে তেওঁ জনায় যে, জব্দ হোৱা হেৰ’ইনখিনি চুবুৰীয়া ৰাজ্যৰ পৰা সৰবৰাহ কৰা হৈছিল ।
লগতে পঢ়ক : Assam police detained two arunachalee youth in lakhimpur : লখিমপুৰত পিষ্টলসহ আটক দুই অৰুণাচলী যুৱকক