নিউজ ডেস্ক,২৫জুন : পুনৰ চুবুৰীয়া ৰাজ্য ত্ৰিপুৰাত আৰক্ষীৰ অভিযান । অভিযানত জব্দ বুজন কফ ছিৰাপ, নিচাজাতীয় য়াবা টেবলেট আৰু ব্ৰাউন চুগাৰ ।
জানিব পৰা মতে, ছেপাহীজেলাৰ মেলাঘৰ আৰু সোনামুৰা এলেকাত অভিযান চলাই ত্ৰিপুৰা আৰক্ষীয়ে জব্দ কৰে নিচা জাতীয় সামগ্ৰীখিনি।
আৰক্ষী সূত্ৰে জানিব পৰা মতে, গোপন তথ্যৰ ভিত্তিত মেলাগড় থানাৰ আৰক্ষীয়ে এখন টাটা ডি বাহনত তালাচী চলাই ২৪০০ ফেনচেডিল কফ চিৰাপৰ বটল জব্দ কৰে।জব্দ কৰা কফ চিৰাপৰ মুল্য প্ৰায় ২০ লাখ টকা। কফ চিৰাপৰ সৈতে বাহনখনৰ চালকজনক গ্ৰেপ্তাৰ কৰে আৰক্ষীয়ে । গ্ৰেপ্তাৰ কৰা লোকজন কমৰুল ইছলাম বুলি জানিব পৰা গৈছে(Yaba tablets seized in Tripura)।
ইফালে, সোণমুৰা থানাৰ তামছা বাৰীত আৰক্ষী আৰু বি এছ এফে যৌথ অভিযান চলাই এজন ড্ৰাগছ সৰবৰাহকাৰীক গ্ৰেপ্তাৰ কৰে। সৰবৰাহকাৰীজনৰ পৰা ৩৬০০ টা য়াবা টেবলেট, ১৪ গ্ৰাম ব্ৰাউন চুগাৰ, ২৫ টা ফেনচেডাইল আৰু এছকুফ কফ চিৰাপৰ বটল জব্দ কৰে।
লগতে পঢ়ক : Unidentified Body Found in Ghilamora : ঘিলামৰাৰ চামপৰা নদীত উদ্ধাৰ অৰ্ধগলিত মৃতদেহ