নিউজ ডেস্ক,২ মে’ : নৈত পৰি ৩ বছৰীয়া শিশুৰ কৰুণ মৃত্যু ।
কাছাৰৰ লক্ষীপুৰ দিঘলীত সংঘটিত হৈছে এক কৰুণ ঘটনাৰ । দীঘলী গাঁৱত জিৰি নৈত পৰি মৃত্যু ৩ বছৰীয়া শিশুৰ ।মৃত শিশু কন্যাটিৰ নাম ৰিতিকা শুক্লবৈদ্য ।
Related Posts
জানিব পৰা মতে, ৰাজু শুক্লবৈদ্যৰ তিনি বছৰীয়া কন্যাই ঘৰৰ কাষতে থকা জিৰি নৈৰ পাৰত খেলি আছিল আৰু হঠাৎ ভৰি পিছলি নৈত পৰি যায় । স্থানীয় লোকসকলে উদ্ধাৰ চেষ্টা চলাই যদিও বিফল হয় । খবৰ পাই ঘটনাস্থলীত আৰক্ষী আৰু SDRF বাহিনী উপস্থিত হৈ উদ্ধাৰ অভিযান আৰম্ভ কৰে(Three-Year-Old Girl Drowns in Jiri River in Cachar) ।
SDRF ৰ কেইবাঘণ্টা অভিযানৰ পাচত ঘটনাস্থলীৰ পৰা প্ৰায় তিনি কিলোমিটাৰ দূৰত কণমানিজনীৰ মৃতদেহ উদ্ধাৰ হয় । মৃতদেহ উদ্ধাৰৰ পাচত আৰক্ষীয়ে মৰণোত্তৰ পৰীক্ষাৰ বাবে মৃতদেহটো শিলচৰ মেডিকেল কলেজলৈ প্ৰেৰণ কৰে ।