নিউজ ডেস্ক, ১৭ মাৰ্চ : পুনৰ চুবুৰীয়া ৰাজ্য মিজোৰামত জব্দ বুজন পৰিমাণৰ বিদেশী সুৰা । মিজো আৰক্ষীয়ে জব্দ কৰে সুৰাখিনি ।
জানিব পৰা মতে, গোপন তথ্যৰ ভিত্তিত কাছাৰ সীমান্তৰ কলাছিব জিলাত মিজো আৰক্ষীয়ে অভিযান চলাই । অভিযানত মিজো আৰক্ষীয়ে জব্দ কৰে সুৰাখিনি(Mizoram police seized liquor ) ।
মিজো আৰক্ষীয়ে সদৰী কৰা অনুসৰি , কলাছিব জিলাৰ ফাইচেন আৰক্ষী চেকগেটত সুৰাৰ বিৰুদ্ধে এক বিশেষ অভিযান চলোৱাৰ সময়তে ১০০ কাৰ্টন হুইস্কি আৰু ২ কাৰ্টন বিয়েৰ জব্দ কৰা হয়। বিদেশী সুৰাখিনিৰ মূল্য প্ৰায় ডেৰ লাখ টকা। শিলচৰৰ পৰা মিজোৰাম অভিমুখী এখন বলেৰ’ পিক-আপ ভেনত লৈ আহিছিল জব্দকৃত সুৰাখিনি।
উল্লেখ্য যে , মিজোৰামত নিষিদ্ধ সুৰা সৰবৰাহৰ অভিযোগত বলেৰ’ বাহনখনৰ লগতে আৰক্ষীয়ে গ্ৰেপ্তাৰ কৰে দুই সৰবৰাহকাৰী । ধৃত সৰবৰাকাৰী দুজন শিলচৰৰ মুন্না খান আৰু সহযোগী কমল উদ্দিন লস্কৰক বুলি চিনাক্ত কৰা হৈছে ।
লগতে পঢ়ক : Three killed in road accident at silchar : শিলচৰ-আইজল ৰাষ্ট্ৰীয় ঘাইপথত শোকাৱহ দুৰ্ঘটনা