নিউজ ডেস্ক, ১৭ মাৰ্চ : শিলচৰ-আইজল ৰাষ্ট্ৰীয় ঘাইপথত শোকাৱহ দুৰ্ঘটনা। যাত্ৰীবাহী ছুম’ আৰু ট্ৰাকৰ মাজত মুখামুখি সংঘৰ্ষ ফলত নিহত তিনিজন ।
দেওবাৰে পুৱা সংঘটিত হৈছে এই ভয়ংকৰ দুৰ্ঘটনাটো । পুৱা আইজলৰ ৩০৬নং ৰাষ্ট্ৰীয় ঘাইপথৰ নৰসিংহপুৰত সংঘটিত হয় এই দুৰ্ঘটনাটো(Three killed in road accident at silchar)।
জানিব পৰা মতে, মিজোৰামৰ পৰা আহি থকা ছুম’খনে অভাৰটেক কৰিবলৈ গৈ বিপৰীত দিশৰ পৰা আহি থকা এখন ট্ৰাকখনৰ সৈতে মুখামুখি সংঘৰ্ষ হয়। এই সংঘৰ্ষটো ইমানে ভয়ংকৰ আছিল যে ছুম’খনৰ সন্মুখ ভাগ সম্পূৰ্ণৰূপে ভাঙি চুৰমাৰ হৈ যায়। ফলত চালক আৰু যাত্ৰীসকল চুমোৰ ভিতৰতে আবদ্ধ হৈ পৰে। স্থানীয় লোক উপস্থিত হৈ দা ৰে চুমোখন ভাঙি চালক আৰু যাত্ৰী সকলক উদ্ধাৰ কৰে(Three killed in road accident at silchar)।
এই ঘটনাত কমেও তিনিজন লোকৰ মৃত্যু হোৱা বুলি জানিব পৰা গৈছে। আন কেইবাজনো লোক আহত হৈছে। ইয়াৰে কেবাজনৰ অৱস্থা সংকট জনক বুলি জানিব গৈছে। আহতসকলক হাস্পতালত ভৰ্তি কৰোৱা হৈছে।
বৰ্তমানলৈ জানিব পৰা হোৱা নাই আহত সকলৰ পৰিচয় কিন্তু আহত সকলৰ বেছি সংখ্যক লোক মিজোৰামৰ বুলি জানিব পৰা গৈছে।