Iran conducts military strikes inside Pakistan once again : জইছ আল আদল সন্ত্ৰাসবাদী গোটৰ কমাণ্ডাৰক হত্যা ইৰাণৰ সামৰিক বাহিনীৰ
ইণ্টাৰনেশ্যনেল ডেস্ক, ২৪ ফেব্ৰুৱাৰী : পাকিস্তানত হত্যা জইছ আল-আদলৰ (ন্যায়ৰ সেনা) সন্ত্ৰাসবাদী গোটৰ জ্যেষ্ঠ কমাণ্ডাৰ ইছমাইল শ্বাহবাখশ আৰু তেওঁৰ সংগীক । ইৰাণৰ সামৰিক বাহিনীয়ে হত্য়া কৰে সন্ত্ৰাসবাদী গোটৰ জ্যেষ্ঠ কমাণ্ডাৰ ইছমাইল শ্বাহবাখশ আৰু তেওঁৰ কিছু সংগীক । ইৰাণৰ চৰকাৰী সংবাদ মাধ্যমৰ উদ্ধৃতি দি ইৰাণ ইণ্টাৰনেচনেল ইংৰাজ কাকতে প্ৰকাশ কৰিছে(Iran’s military forces kill Jaish al-Adl militant group commander, his companions in Pakistan) ।
উল্লেখ্য যে ইৰাণ আৰু পাকিস্তানে দুয়োখন দেশৰ ওপৰত চলোৱা বিমান আক্ৰমণৰ এমাহ পিছত ইৰাণিয়ান বাহিনীয়ে এক সশস্ত্ৰ সংঘৰ্ষত এটা সন্ত্ৰাসবাদী গোটৰ ওপৰত আক্ৰমণ চলায় ।
আল আৰাবিয়া বাতৰি অনুসৰি, ২০১২ চনত গঠন হোৱা আৰু ইৰাণে ‘সন্ত্ৰাসবাদী’ সংগঠন হিচাপে মনোনীত কৰা জইছ আল-আদল হৈছে ইৰাণৰ দক্ষিণ-পূব প্ৰদেশ চিস্তান-বেলুচিস্তানত সক্ৰিয় এটা চুন্নী সন্ত্ৰাসবাদী গোট ।
বিগত বছৰবোৰত জইছ আল-আদলে ইৰাণৰ নিৰাপত্তা বাহিনীৰ ওপৰত যথেষ্ট আক্ৰমণ চলাই আহিছে । আল আৰাবিয়া নিউজৰ বাতৰি অনুসৰি, ডিচেম্বৰত জইছ আল-আদলে চিস্তান-বেলুচিস্তানৰ এখন আৰক্ষী থানাত হোৱা আক্ৰমণৰ দায়িত্ব স্বীকাৰ কৰে । এই ঘটনাত কমেও ১১ গৰাকী আৰক্ষীয়ে প্ৰাণ হেৰুৱাইছিল ।
অৱশ্যে বিগত মাহত দুয়োখন দেশে ইখনে সিখনৰ অঞ্চলত ‘সন্ত্ৰাসবাদী গোট’ৰ বিৰুদ্ধে মিছাইল আক্ৰমণ কৰাৰ এসপ্তাহ পিছত পাকিস্তান আৰু ইৰাণে পাৰস্পৰিকভাৱে নিৰাপত্তা সহযোগিতা সম্প্ৰসাৰণৰ বাবে সন্মত হয় । দ্য নিউজ ইণ্টাৰনেচনেলৰ সূত্ৰত প্ৰকাশ(Iran conducts military strikes inside Pakistan once again) ।
পাকিস্তানৰ বৈদেশিক কাৰ্যালয়ত পাকিস্তানৰ বৈদেশিক মন্ত্ৰী জলিল আব্বাছ জিলানি আৰু ইৰাণৰ বৈদেশিক মন্ত্ৰী হোছেইন আমিৰ-আব্দোল্লাহিয়ানে এক যুটীয়া সংবাদমেলত এই চুক্তিৰ কথা ঘোষণা কৰে ।
জিলানীয়ে কয় যে ইৰাণ আৰু পাকিস্তান দুয়োপক্ষই ‘ভুল বুজাবুজি’ অতি সোনকালে সমাধান কৰিব পাৰে । দুয়োখন দেশে তেওঁলোকৰ নিজ নিজ ক্ষেত্ৰত সন্ত্ৰাসবাদৰ বিৰুদ্ধে যুঁজ দিবলৈ আৰু ইজনে সিজনৰ উদ্বেগ আঁতৰ কৰিবলৈও সন্মত হৈছে । তেওঁ লগতে কয় । অৱশ্যে শেহতীয়া আক্ৰমণে ইয়াৰ বিপৰীত কথাহে প্ৰদৰ্শন কৰিছে ।
লগতে পঢ়ক : Massive Fire Breaks Out at Jogighopa : বিধ্বংসী অগ্নিকাণ্ড; ভস্মীভূত দুটাকৈ বাসগৃহ