নিউজ ডেস্ক, ২০ ফেব্ৰুৱাৰী : চৰকাৰৰ প্ৰস্তাৱ নাকচ কৃষক সংগঠনসমূহৰ । দেওবাৰে চণ্ডীগড়ত কৃষক সংগঠনৰ প্ৰতিনিধিৰ সৈতে কেন্দ্ৰীয় চৰকাৰৰ চতুৰ্থ ৰাউণ্ডৰ বৈঠক আছিল । এই বৈঠকত চৰকাৰে কৃষকসকলক এক নতুন প্ৰস্তাৱ প্ৰদান কৰে । এই প্ৰস্তাৱ সঠিকমতে বিবেচনা কৰি উত্তৰ দিব বুলি কৃষকসকলে জনাইছিল(Farmer leaders reject government’s MSP proposal) ।
চণ্ডীগড়ত কেন্দ্ৰীয় মন্ত্ৰীসকলৰ দলৰ সৈতে আলোচনাৰ পিচত আশা কৰা হৈছিল যে কৃষকৰ আন্দোলন বন্ধ হ’ব আৰু দিল্লীৰ পদযাত্ৰা বন্ধ হ’ব, কিন্তু এতিয়া তাৰ বিপৰীত ছবিহে দেখিবলৈ পোৱা গৈছে কাৰণ কৃষকসকলে কেন্দ্ৰীয় চৰকাৰৰ প্ৰস্তাৱ নাকচ কৰিছে । শম্ভু সীমান্ত সন্দৰ্ভত চৰকাৰৰ প্ৰস্তাৱটো বিবেচনা কৰাৰ পিচত কৃষক সংগঠনসমূহে কৈছে যে চৰকাৰে দিয়া প্ৰস্তাৱত কোনো নতুনত্ব নাই । বাকী থকা শস্যসমূহ নিশ্চিত নিম্নতম সমৰ্থন মূল্য (এমএছপি)ৰ আওতাৰ বাহিৰত ৰখাটো উচিত নহয় । তেওঁলোকে লগতে ২১ ফেব্ৰুৱাৰীত ৰাজধানী দিল্লী অভিমুখে যাত্ৰা কৰিব বুলি ঘোষণা কৰে(Farmer leaders reject govt’s proposal over MSP, to go ahead with ‘Delhi Chalo’ march on Feb 21) ।
চৰকাৰে দাবী কৰা অৰ্থনৈতিক বোজা শুদ্ধ নহয় । চৰকাৰৰ এই প্ৰস্তাৱৰ পৰা কৃষকসকলে কোনো ধৰণৰ সুবিধা লাভ নকৰে ৷ কৃষক সংগঠনসমূহে কয় যে চৰকাৰৰ উদ্দেশ্যত ত্ৰুটি আছে । ২৩ টা শস্যৰ ওপৰত চৰকাৰে MSP গেৰাণ্টী আইন দিব লাগে । ঋণ ৰেহাইৰ ক্ষেত্ৰত চৰকাৰে কি কৰিছে ক’ব লাগে । এতিয়ালৈকে দেখা গৈছে যে কৃষকৰ দাবীক লৈ চৰকাৰে বিশেষ কাণসাৰ দিয়া নাই ।
কৃষক নেতা জগজিৎ সিং ডল্লেবালে সংবাদ মাধ্যমৰ সৈতে বাৰ্তালাপ কৰি কয় যে, দুয়োখন মঞ্চতে আলোচনাৰ অন্তত সিদ্ধান্ত লোৱা হৈছে যে চৰকাৰৰ প্ৰস্তাৱত নতুন একো নাই । এই প্ৰস্তাৱ কৃষকৰ পক্ষত নহয় । সেয়েহে আমি চৰকাৰৰ প্ৰস্তাৱ নাকচ কৰিছো ।
কৃষক সংগঠনসমূহে এম.এছ.পি.ৰ আইনী গেৰাণ্টিৰ উপৰিও, কৃষকসকলে স্বামীনাথন আয়োগৰ পৰামৰ্শ, কৃষক আৰু খেতিয়কসকলৰ বাবে পেন্সন, খেতিয়ক ঋণ ৰেহাই, বিদ্যুতৰ শুল্ক বৃদ্ধি নকৰা, আৰক্ষীৰ গোচৰ প্ৰত্যাহাৰ আৰু ২০২১ চনৰ লখিমপুৰ খেৰী হিংসাৰ ভুক্তভোগীসকলৰ বাবে “ন্যায়”, ভূমি অধিগ্ৰহণ আইন, ২০১৩ পুনৰ স্থাপন আৰু ২০২০-২০২০ চনত পূৰ্বৰ আন্দোলনৰ সময়ত মৃত্যু হোৱা কৃষকসকলৰ পৰিয়ালক ক্ষতিপূৰণ দিয়াৰ দাবী জনাইছে ।
সোমবাৰে এক বিবৃতিত সংযুক্ত কিষাণ মৰ্চা চমুকৈ এছকেএমে কেন্দ্ৰৰ প্ৰস্তাৱ নাকচ কৰি কয় যে প্ৰস্তাৱটোৱে স্বামীনাথন আয়োগে পৰামৰ্শ দিয়া ‘চি-২ প্লাছ ৫০ শতাংশ’ সূত্ৰৰ (পাৰিবাৰিক শ্ৰমিকৰ ব্যয়, মালিকানাধীন মূলধন আৰু ভূমিত ভাড়াসহ সকলো ব্যয়) ৰ সৈতে কৃষকসকলৰ এমএছপিৰ দাবী “সলনি আৰু হ্ৰাস” কৰিব বিচাৰিছে । নিশ্চিত ক্ৰয় থকা সকলো শস্যৰ বাবে এম এছ পিতকৈ কম একোৱেই কৃষকৰ বাবে গ্ৰহণযোগ্য নহয় বুলিও কোৱা হৈছে ।
“যদি মোদী চৰকাৰে বিজেপিয়ে দিয়া প্ৰতিশ্ৰুতি কাৰ্যকৰী কৰিবলৈ অক্ষম হয়, তেন্তে প্ৰধানমন্ত্ৰীক সততাৰে জনসাধাৰণক ক’বলৈ দিয়ক,” বিভিন্ন কৃষক সংগঠনৰ সংস্থা এছকেএমে এইদৰে কয় । লগতে কৃষকৰ অন্যান্য দাবীত কিয় মৌন হৈ আছে বুলিও প্ৰশ্ন কৰে চৰকাৰক । শম্ভু আৰু খানৌৰী সীমান্তত প্ৰতিবাদ সাব্যস্ত কৰা কৃষকৰ বিৰুদ্ধে আৰক্ষীৰ কাৰ্যক গৰিহণা দিয়ে এছ কে এমে ।
লগতে পঢ়ক : Mother and son found dead in Nalbari : নলবাৰীত কোঠাৰ ভিতৰত উদ্ধাৰ মাতৃ-পুত্ৰৰ মৃতদেহ