নেশ্যনেল ডেস্ক , ১৪ ডিচেম্বৰ : শ্ৰীলংকা নৌসেনাই আটক কৰিলে ৬জন ভাৰতীয় মাছমৰীয়াক। মাছমৰীয়াকেইজনে সমুদ্ৰত অবৈধভাৱে চিকাৰ কৰাৰ অভিযোগ(Six Indian fishermen detained by Sri Lankan Navy)।
তামিলনাডুত আটক ৬ জনকৈ ভাৰতীয় মাছমৰীয়া । শ্ৰীলংকাৰ নৌসেনাই ট্ৰলাৰৰ সৈতে আটক কৰিলে ভাৰতীয় মাছমৰীয়াক ।
জানিব পৰা মতে , কানকেশন্থুৰাই অঞ্চলৰ ওচৰত আন্তঃৰাষ্ট্ৰীয় জলসীমাত মাছ ধৰি থকাৰ সময়ত আটক কৰে ভাৰতীয় মাছমৰীয়াক ।
শ্ৰীলংকাৰ নৌসেনাৰ মতে, ভাৰতীয় মাছমৰীয়াকেইজন চোৰাং চিকাৰৰ সৈতে জড়িত আছিল আৰু বুধবাৰে এক অভিযানৰ পিছত কাৰিনগৰৰ কোবিলান লাইট হাউছৰ পৰা আটক কৰে মাছমৰীয়াকেইজনক ।
আটক কৰা মাছমৰীয়াকেইজন তামিলনাডুৰ পুডুকট্টাই জিলাৰ বুলি জানিব পৰা গৈছে । ধৃত ৬জন মাছমৰীয়াৰ ভিতৰত পাঁচজনক চিনাক্ত কৰা হৈছে । আটক কৰা মাছমৰীয়াসকলক নৰেশ (২৭), আনন্দবাবু (২৫), অজয় (২৪), নন্দকুমাৰ (২৮) আৰু অজিত (২৬) বুলি চিনাক্ত কৰা হৈছে ।অৱশ্যে বৰ্তমানলৈ এজনক চিনাক্ত কৰিব পৰা হোৱা নাই(Six Indian fishermen detained by Sri Lankan Navy) ।
উল্লেখ্য যে, বিগত মাহত শ্ৰীলংকান কৰ্তৃপক্ষই ২৭ জন ভাৰতীয় মাছমৰীয়াক মুকলি কৰি দিছিল । তেওঁলোকে ১২ আৰু ১৫ জনীয়া গোটত বেলেগ বেলেগ দিনত চেন্নাই বিমানবন্দৰলৈ উভতি আহিছিল ।ইয়াৰ পূৰ্বে অক্টোবৰ মাহত শ্ৰীলংকাৰ নৌসেনাই তিনিটা পৃথক গ্ৰেপ্তাৰৰ ঘটনাত মুঠ ৬৪ জন মাছমৰীয়াক গ্ৰেপ্তাৰ কৰিছিল ।
আনহাতে, অক্টোবৰত তামিলনাডুৰ মুখ্যমন্ত্ৰী এম কে ষ্টেলিনে বৈদেশিক পৰিক্ৰমা মন্ত্ৰী এছ জয়শংকৰক শ্ৰীলংকাৰ নৌসেনাই তামিলনাডুৰ মাছমৰীয়াসকলক বাৰে বাৰে গ্ৰেপ্তাৰ কৰাৰ বিষয়টো উল্লেখ কৰি এখন পত্ৰ লিখিছিল । তেওঁ পালক উপসাগৰত তামিলনাডুৰ মাছমৰীয়াসকলৰ পৰম্পৰাগত মাছ ধৰাৰ অধিকাৰ সুৰক্ষিত কৰাৰো দাবী জনায় ।
লগতে পঢ়ক : Parliament Security Breach: লোকসভাৰ সুৰক্ষা ব্যৱস্থাত কৰা গাফিলতিৰ বাবে ৮ গৰাকীকৈ সুৰক্ষা কৰ্মীক নিলম্বন