সোণতলী , ৭অক্টোবৰ : এক চাঞ্চল্যকৰ ঘটনা । অৰ্ধ উলংগ অৱস্থাত উদ্ধাৰ কিশোৰী মৃতদেহ । ঘৰৰ পিছফালৰ জলাশয়ত উদ্ধাৰ কিশোৰীৰ মৃতদেহ ।
ৰাজ্যত প্ৰতিদিনে উদ্ধাৰ হয় এটাৰ পিছত আন এটা ৰহস্যজনক মৃতদেহ। প্ৰতিদিনে মৃতদেহৰ উদ্ধাৰৰ ঘটনাই সংবাদ মাধ্য়মৰ শিৰোনাম দখল কৰে । ৰাজ্যত ধাৰাবাহিক ভাৱে ইটোৰ পিছত সিটো মৃতদেহ উদ্ধাৰ হৈ আছে । ৰাজ্যত ক্ৰমাৎ বৃদ্ধি হৈছে অপৰাধজনিত ঘটনা । বিগত দিনসমূহত ৰাজ্যৰ প্ৰতিটো প্ৰান্তত মৃতদেহ উদ্ধাৰৰ ঘটনাই বাতৰিৰ শিৰোনাম দখল কৰি আহিছে (Deadbody recovered in Sontoli) ।
পুনৰ ৰাজ্যত উদ্ধাৰ মৃতদেহ । এইবাৰ দক্ষিণ কামৰূপৰ সোণতলীত উদ্ধাৰ মৃতদেহ । অৰ্ধ উলংগ অৱস্থাত উদ্ধাৰ হৈছে এগৰাকী কিশোৰী মৃতদেহ । মৃত কিশোৰী গৰাকী ছিলিমা আকতাৰ আৰু নৱম শ্ৰেণীৰ ছাত্ৰী ৷
উল্লেখ্য় যে, কিশোৰী গৰাকীক প্ৰথমে অপহৰণ আৰু তাৰ পিছত ধৰ্ষণ কৰি দুৰ্বৃত্তই হত্যা কৰাৰ সন্দেহ কৰিছে স্থানীয় লোকে ৷ কিশোৰী গৰাকীৰ শৰীৰত স্পষ্টভাৱে দেখা গৈছে আঘাতৰ চিহ্ন(Dead body recovered) ।
এই ঘটনা সংঘটিত হৈছে সোণতলীৰ চৌধুৰী পাম গাঁৱত৷ এই ঘটনাক কেন্দ্ৰ কৰি সমগ্ৰ অঞ্চলতে সৃষ্টি হৈছে তীব্ৰ উত্তেজনাৰ ৷ ইতিমধ্যে ঘটনাৰ খবৰ পোৱাৰ লগে লগে ঘটনাস্থলীত উপস্থিত হৈছে সোণতলী আৰক্ষীৰ দল ৷
জানিব পৰা মতে, মৃত কিশোৰী গৰাকীৰ বয়স ১৪ বছৰ আৰু চৌধুৰী পাম গাৱঁৰ ছুৰমান আলীৰ কন্যা ছিলিমা আকতাৰ ৷ আৰক্ষীয়ে ইতিমধ্যে মৃতদেহ চমজাই লৈছে ।
অভিযোগ অনুসৰি কিশোৰী ছাত্ৰী গৰাকীক নিশাৰ ভাগত অপহৰণ কৰি কোনো দুৰ্বৃত্তই হত্যা কৰি অৰ্ধ উলংগ অৱস্থাত ঘৰৰ পিছফালে জলাশয়ত পেলাই থৈছিল ৷ শনিবাৰে পুৱাৰ ভাগত স্থানীয় লোকে উদ্ধাৰ কৰে কিশোৰী গৰাকীৰ মৃতদেহ ৷
এতিয়াই প্ৰশ্ন উত্থাপন হৈছে কোনো কিশোৰী গৰাকী হত্য়া কৰি নিজ গৃহৰ জলাশয়ৰ ওচৰত পেলাই থৈ গ’ল । বৰ্তমানলৈ এয়া হত্য়া নে অন্য কিবা জানিব পৰা হোৱা নাই । আৰক্ষীৰ তদন্তত অন্তত হে পোহৰলৈ আহিব সকলো ।
লগতে পঢ়ক : Erosion in Nagaon : নগাঁৱত ব্ৰহ্মপুত্ৰৰ খহনীয়াৰ বাবে শংকটত স্থানীয় ৰাইজ