নেশ্যনেল ডেস্ক, ২০ছেপ্টেম্বৰ : এক চাঞ্চল্যক ঘটনা ।পৰকীয়া প্ৰেমৰ বাবে নিজ শৰীৰত জুই লগালে এগৰাকী মহিলাই । কিমান ভয়ংকৰ হ’ব পাৰে পৰকীয়া প্ৰেম ।
দেশত ক্ৰমান্বয়ে বৃদ্ধি পাইছে অপৰাধজনিত ঘটনা। মানুহ যেন সময়ৰ সোঁতত লাহে লাহে পশুলৈ ৰূপান্তৰিত হ’ব ধৰিছে। বিগত বৰ্ষত পোহৰলৈ আহিছে এটাৰ পিছত আন এটা হত্যাকাণ্ডৰ ঘটনা। পৰকীয়া প্ৰেমৰ বাবে ৰাজ্যত সঘনাই সৃষ্টি হোৱা হত্য়াকাণ্ডৰ ঘটনাই বাতৰিৰ শিৰোনাম দখল কৰি আহিছে । দেশত এতিয়াই পৰকীয়া প্ৰেমক লৈ সৃষ্টি হোৱা কেতবোৰ ঘটনাই চিন্তিত কৰি তুলিছে সকলোকে । পুনৰ পৰকীয়া প্ৰেম কাল হ’ল এগৰাকী মহিলাৰ । পৰকীয়া প্ৰেমৰ বাবে নিজ গাত জুই লগালে এগৰাকী মহিলাই । এই ভয়ংকৰ ঘটনা সংঘটিত হৈছে কলকাতাত(Sensational Incident) ।
উল্লেখ্য যে কলকাতাৰ হৰিদেৱপুৰৰ বেনাৰ্জিপাৰাত ৰাজপথত এগৰাকী মহিলাই দপদপাই জ্বলিছে । ৰাজপথতে জুয়ে ছানি ধৰিছে মহিলা গৰাকীৰ শৰীৰ । এই দৃশ্য দেখি হাহাকাৰ লাগিছে ৰাজপথত ।জুই নুমুৱালে চেষ্টা কৰিছে বহুজনে । কিন্তু জুই নুমুৱাবলৈ পৰা নাই ।এই ঘটনাৰ সম্পৰ্কে আৰক্ষীক খবৰ দিছে ।আৰক্ষী ঘটনা সম্পৰ্কে খবৰ পোৱাৰ লগে লগে ঘটনাস্থলীত উপস্থিত হৈছে ।উপস্থিত হৈছে এম্বুলেঞ্চ । তাৰ পিছত মহিলাগৰাকীক হাস্পতাললৈ লৈ যোৱা হৈছে ।যুদ্ধকালীন তৎপৰতাৰে মহিলাক এম আৰ বাংগুৰ হাস্পতালত ভৰ্তি কৰায় আৰক্ষীয়ে।
চিকিৎসাকে আৰম্ভ কৰে চিকিৎসা । প্ৰাথমিক চিকিৎসাৰ অন্তত মহিলাগৰাকীৰ পৰা আৰক্ষীয়ে ভাষ্য লয়। তাৰ পিছত পোহৰলৈ আহে এক চাঞ্চল্যকৰ ঘটনাৰ ।
জানিব পৰা অনুসৰি, মহিলাগৰাকী বিবাহিত। এটি পুত্ৰ সন্তানৰ মাতৃ। হৰিদেৱপুৰৰ বেনাৰ্জিপাৰাৰ সুবীৰ বিশ্বাস নামৰ এজন লোকৰ সৈতে প্ৰেমৰ সম্পৰ্ক আছে মহিলাগৰাকীৰ। ইফালে এটি কন্যা সন্তানৰ পিতৃ সুবীৰ বিশ্বাস । সুবীৰ বিশ্বাস লগত ন্তৰংগ মূহূৰ্তৰ বহু ফটোগ্ৰাফ আৰু ভিডিঅ’আছে মহিলাগৰাকীৰ । আৰু প্ৰায়ে সুবীৰ বিশ্বাসে এই ফটো আৰু ভিডিঅ’ ভাইৰেল কৰাৰ হুংকাৰ দিয়া অভিযোগ কৰিছে মহিলাগৰাকীয়ে । সুবীৰ বিশ্বাসৰ এনে হুংকাৰৰ বাবে মানসিকভাৱে ভাগি পৰে মহিলাগৰাকীয়ে । বিশ্বাসঘাতকতাৰ বাবেই গাত জুই লগাই আত্মঘাতী হোৱাৰ চেষ্টা কৰা বুলি ভাষ্য দিলে মহিলাগৰাকীয়ে।
অভিযুক্ত সুবীৰ বিশ্বাসৰ ঘৰৰ দুৱাৰদলিতে আত্মজাঁহৰ চেষ্টা কৰে মহিলাগৰাকীয়ে । আৰক্ষীয়ে মহিলাগৰাকীৰ ভাষ্য শুনাৰ পাছতে হৰিদেৱপুৰৰ বেনাৰ্জিপাৰালৈ উভতি আহে। পাছে তাৰ পূৰ্বেই ঘৰৰ পৰা পলায়ন কৰিছে সুবীৰ বিশ্বাসে। আৰক্ষীয়ে ঘটনা সন্দৰ্ভত তদন্ত আৰম্ভ কৰিছে ।
লগতে পঢ়ক :Arms Recovered in Manipur : মণিপুৰত উদ্ধাৰ অবৈধ মাৰণাস্ত্ৰ