Terrorist killed in Baramulla encounter : জম্মু–কাশ্মীৰত সন্ত্ৰাসবাদী আৰু নিৰাপত্তাৰক্ষীৰ মাজত সংঘৰ্ষ, নিহত দুই সন্ত্ৰাসবাদী
নেশ্যনেল ডেস্ক, ১৬ছেপ্টেম্বৰ : জম্মু–কাশ্মীৰৰ বাৰামুলাত সন্ত্ৰাসবাদী আৰু সেনা আৰক্ষীৰ মাজত সংঘৰ্ষ । সংঘৰ্ষত নিহত হয় দুই সন্ত্ৰাসবাদী(Two militants killed in Baramulla encounter) । শনিবাৰে উত্তৰ কাশ্মীৰৰ বাৰামুলা জিলাৰ হাথলাঙ্গা অঞ্চলত সংঘটিত হয় সন্ত্ৰাসবাদী আৰু সেনা আৰক্ষীৰ মাজত গুলীচালনাৰ ঘটনা । অঞ্চলজুৰি ঘেৰাও কৰি ৰাখিছে নিৰাপত্তাৰক্ষীয়ে ।
উল্লেখ্য যে, অনন্তনাগ জিলাৰ কোকৰনাগ অঞ্চলত নিৰাপত্তাৰক্ষীৰ সন্ত্ৰাসবাদ বিৰোধী অভিযান চতুৰ্থ দিনাও অব্যাহত আছে। বিগত কেইদিনমানৰ পৰা অঞ্চলটোত নিৰাপত্তা বাহিনী আৰু সন্ত্ৰাসবাদীৰ মাজত নিৰন্তৰ সংঘৰ্ষ চলি আহিছে । এই সংঘৰ্ষৰ মাজতে শনিবাৰে পুনৰ বাৰামুলা জিলাৰ অন্তৰ্গত উৰিৰ হাথলাঙ্গা অঞ্চলত সংঘটিত হৈছে গুলীচালনাৰ ঘটনা । জানিব পৰা মতে, স্থানীয় আৰক্ষী আৰু সেনাৰ এক যুটীয়া অভিযানৰ সময়তে সন্ত্ৰাসবাদীৰ সৈতে সংঘৰ্ষৰ সৃষ্টি হয়(2 terrorists killed in encounter in JK Baramulla) ।
নিৰাপত্তাৰক্ষীৰ অভিযানৰ উদ্দেশ্য আছিল আত্মগোপন কৰি থকা সন্ত্ৰাসবাদীৰ সন্ধান কৰা । নিৰাপত্তা বাহিনীৰ যুটীয়া অভিযান আৰম্ভ কৰাৰ সময়তে আত্মগোপন কৰি থকা সন্ত্ৰাসবাদীয়ে হঠাতে সৈন্যৰ ওপৰত গুলীচালনা কৰে । তাৰ পিছতে নিৰাপত্তাৰক্ষীয়ে প্ৰত্যুত্তৰ দিয়ে । যাৰ ফলত দুয়োপক্ষৰ মাজত এক ভয়ংকৰ গুলীয়াগুলী আৰম্ভ হয় ।
আৰক্ষী সূত্ৰই প্ৰকাশ কৰা অনুসৰি, এনকাউণ্টাৰত দুজন সন্ত্ৰাসবাদী নিহত হৈছে । অৱশ্যে নিহত সন্ত্ৰাসবাদীৰ দুজনৰ পৰিচয় এতিয়াও জানিব পৰা হোৱা নাই ।
জানিব পৰা মতে, নিৰাপত্তাৰক্ষীয়ে সন্ত্ৰাসবাদীৰ সন্ধান অব্যাহত ৰাখিছে। ড্ৰোণৰ জৰিয়তে সন্ত্ৰাসবাদীৰ গতিবিধি লক্ষ্য কৰিছে সেনাই। বিগত ১৩ ছেপ্টেম্বৰত অনন্তনাগত আৰম্ভ হোৱা সন্ত্ৰাসবাদ বিৰোধী অভিযানত ভাৰতীয় সেনাৰ এগৰাকী কৰ্ণেল, এগৰাকী মেজৰ আৰু জম্মু–কাশ্মীৰ আৰক্ষীৰ এগৰাকী ডিএছপি শ্বহীদ হৈছিল। সন্ত্ৰাসবাদী এতিয়াও জংঘলৰ আঁৰ লৈ গুলীবৰ্ষণ কৰি আছে। নিৰাপত্তাৰক্ষীয়ে জংঘলত লুকাই থকা সন্ত্ৰাসবাদীক বাহিৰলৈ উলিয়াই আনিবলৈ অস্ত্ৰ–শস্ত্ৰ প্ৰয়োগ কৰাৰ লগতে ব্যৱহাৰ কৰিছে ড্ৰোণ।নিৰাপত্তা বাহিনীয়ে অঞ্চলটোৰ সুৰক্ষা আৰু নিৰাপত্তা নিশ্চিত কৰাৰ বাবে তেওঁলোকৰ প্ৰচেষ্টা অব্যাহত ৰখাৰ বাবে অঞ্চলটোত সতৰ্কতা অৱলম্বন কৰিছে(Two militants killed in Baramulla encounter) ।
লগতে পঢ়ক :J&K encounter: জম্মু-কাশ্মীৰত সন্ত্ৰাসবাদীৰ বিৰুদ্ধে নিৰাপত্তাৰক্ষীৰ অভিযান অব্যাহত