Opposition will meet President : মণিপুৰ সন্দৰ্ভত আজি বিৰোধীৰ ২১ গৰাকী সাংসদে সাক্ষাৎ কৰিব ৰাষ্ট্ৰপতি দ্ৰৌপদী মূৰ্মুক
নেশ্যনেল ডেস্ক, ২ আগষ্ট : মণিপুৰ ঘটনা সন্দৰ্ভত আলোচনা কৰিবলৈ আজি অৰ্থাৎ বুধবাৰে পুৱা ১১.৩০ বজাত ৰাষ্ট্ৰপতি মূৰ্মুক সাক্ষাৎ কৰিব বিৰোধী মৰ্চা নেতা, সাংসদসকলে (Opposition will meet President) ।
মণিপুৰৰ ঘটনা সন্দৰ্ভত সংসদত উত্তপ্ত পৰিস্থিতিৰ সৃষ্টি হৈয়ে আছে (Manipur violence)। ইয়াৰ মাজতে বিৰোধী মৰ্চা ইণ্ডিয়াৰ একাংশ নেতাই সাক্ষাৎ কৰিব ৰাষ্ট্ৰপতি দ্ৰৌপদী মূৰ্মুক । ২১ গৰাকীকৈ সাংসদে মণিপুৰৰ ঘটনা সন্দৰ্ভত সাক্ষাৎ কৰিব ৰাষ্ট্ৰপতিগৰাকীক।
সংসদৰ বৈঠকত নেতাসকলে ৰাষ্ট্ৰপতিক মণিপুৰৰ পৰিস্থিতিৰ বিষয়ে অৱগত কৰিব য’ত জাতিগত হিংসাই বহু সংখ্যক লোকৰ প্ৰাণ হেৰুৱাইছে আৰু উত্তৰ-পূবৰ ৰাজ্যখনত স্বাভাৱিক অৱস্থা অনাৰ বাবে কি পদক্ষেপ ল’ব । আনহাতে জানিব পৰা মতে মণিপুৰৰ উপৰিও নেতাসকলে হাৰিয়ানাৰ বিষয়টো আৰু তেওঁৰ সন্মুখত সংসদৰ কাম-কাজ উত্থাপন কৰিব ।
কংগ্ৰেছৰ সাধাৰণ সম্পাদক জয়ৰাম ৰমেশে এই কথা জনায়। তেওঁ টুইট কৰি কয় যে, “মণিপুৰ ভ্ৰমণ কৰিব লগীয়া ‘ইণ্ডিয়া’ৰ সংগঠক দলসমূহৰ ২১ জন সাংসদে ২ আগষ্টৰ পুৱা ১১:৩০ বজাত মাননীয় ৰাষ্ট্ৰপতিক সাক্ষাৎ কৰিব। তেওঁৰ সৈতে ইণ্ডিয়াৰ সকলো সংগঠক দলৰ সদনৰ নেতাও থাকিব।
ইয়াৰ পূৰ্বে কংগ্ৰেছ সভাপতি মল্লিকাৰ্জুন খাৰ্গে মঙলবাৰে এক বিশেষ আহ্বান জনাইছিল । হিংসাপীড়িত মণিপুৰৰ পৰিস্থিতিৰ বিষয়টো উত্থাপন কৰিবলৈ বিৰোধীৰ হৈ ৰাষ্ট্ৰপতি দ্ৰৌপদী মূৰ্মুৰ পৰা সময় বিচাৰিছিল । জানিব পৰা মতে মণিপুৰ বিষয়টো ৰাষ্ট্ৰপতিৰ আগত উপস্থাপন কৰিব বিৰোধীয়ে ।
বিৰোধী দলসমূহৰ মিত্ৰতা ‘ইণ্ডিয়া’ৰ অংশীদাৰসকলৰ ২১ জনীয়া সাংসদৰ এটা প্ৰতিনিধি দলে ২৯-৩০ জুলাইত জাতিগতভাৱে বিভক্ত ৰাজ্যখন ভ্ৰমণ কৰিছিল আৰু INDIA মিত্ৰজোঁটৰ নেতাসকলক পৰিস্থিতিটোৰ বিষয়ে অৱগত কৰিছিল। দলটোৱে প্ৰভাৱিত অঞ্চলসমূহলৈ গৈছিল আৰু পাহাৰ আৰু উপত্যকা দুয়োটাতে সাহায্য শিবিৰত বাস কৰা লোকসকলৰ সৈতে কথা পাতিছিল।
উল্লেখ্য প্ৰধানমন্ত্ৰী মোডীয়ে মণিপুৰত দুগৰাকী মহিলাক বিবস্ত্ৰ কৰি পেৰেড কৰাৰ ভাইৰেল ভিডিঅ’টোক গৰিহণা দি প্ৰতিশ্ৰুতি দিছিল যে “এই জঘন্য কাৰ্য্যত জড়িত অপৰাধীসকলক ৰেহাই দিয়া নহ’ব”।
উল্লেখ্য যে, মে’ মাহৰ পৰা মণিপুৰত অব্যাহত আছে হিংসাত্মক ঘটনা । এতিয়াও শাম কটা নাই মণিপুৰৰ ভয়াৱহ পৰিস্থিতি । ৰাজ্যখনত শান্তি পুনৰ স্থাপনত চূড়ান্ত ব্যৰ্থ হৈছে কেন্দ্ৰ তথা ৰাজ্য চৰকাৰ । মণিপুৰৰ এই হিংসাজৰ্জৰ পৰিস্থিতিৰ সন্দৰ্ভত আজি ২১ জনীয়া বিৰোধী দলে সাক্ষাৎ কৰিব ৰাষ্ট্ৰপতি দৌপদী মূৰ্মুক ।
লগতে পঢ়ক : Manipur Viral Video Case : ৭ আগষ্টত পৰৱৰ্তী শুনানিৰ বাবে উচ্চতম ন্যায়ালয়ে ৰাজ্যৰ জিডিপি লৈ চমন