Police Encounter in Sonari : আলফা স্বাধীনৰ লিংকমেনক এনকাউণ্টাৰ চৰাইদেউ আৰক্ষীৰ
নিউজ ডেস্ক, ৩০ জুলাই : আলফা স্বাধীনৰ লিংকমেনলৈ আৰক্ষীৰ গুলীচালনা(Police Encounter in Sonari)। দেওবাৰে সেনা-আৰক্ষীৰ জালত পৰা আলফা স্বাধীনৰ সদস্য যোগেন গগৈৰ ভৰিত লাগিল গুলী । তিনিচুকীয়াত বিস্ফোৰক সামগ্ৰী উদ্ধাৰৰ বাবে আৰক্ষীয়ে চলাইছিল অভিযান । তিনিচুকীয়াৰ মামৰণিত চলা এই অভিযানৰ মাজতে পলায়ন কৰিব বিচৰা আলফা স্বাধীনৰ লিংকমেন যোগেন গগৈলৈ লক্ষ্য কৰি তিনিচুকীয়া আৰক্ষীৰ অভিযানকাৰী দলটোৱে গুলীচালনা কৰে । আৰক্ষীৰ এই গুলীত যোগেন গগৈ গুলীবিদ্ধ হয়(ULFA-I linkman injured in Police Encounter in Sonari)।
আৰক্ষী সূত্ৰৰ পৰা প্ৰাপ্ত তথ্য অনুসৰি সোণাৰিত শনিবাৰে আৰক্ষীৰে হোৱা সংঘৰ্ষত আলফা (স্বাধীন)ৰ (United Liberation Front of Assam-Independent) এজন লিংকমেন আহত হয় । আৰক্ষী আৰু সেনাৰ যৌথ অভিযানৰ সময়ত সোণাৰিৰ অভয়াপুৰীৰ পৰা আটক কৰা হৈছিল আহত যোগেন গগৈ নামৰ লিংকমেনজন ।
সূত্ৰৰ পৰা প্ৰাপ্ত তথ্য অনুসৰি আত্মসমৰ্পণকাৰী যোগেন গগৈয়ে আলফা কেডাৰ গণেশ লাহনৰ নিৰ্দেশনাত উজনি অসমৰ বিভিন্ন স্থানত ধন দাবীৰ লগত জড়িত আছিল । ইফালে আৰক্ষীয়ে তেওঁৰ পৰা এটা পিষ্টল, এটা মেগজিন, আৰু কিছু সজীৱ গুলী উদ্ধাৰ কৰিবলৈ সক্ষম হৈছে ।
দৰাচলতে, আলফাৰ লিংকমেনৰ সন্দেহত আটক কৰা যোগেন গগৈক লগত লৈ লুকুৱাই থোৱা বিস্ফোৰক সামগ্ৰী বিচাৰি তিনিচুকীয়া আৰক্ষীয়ে অভিযান চলাইছিল। এই অভিযানৰ সময়তে যোগেন গগৈয়ে আৰক্ষীৰ বেহুফালি পলাবলৈ চেষ্টা কৰোতেই আৰক্ষীয়ে তেওঁলৈ লক্ষ্য কৰি গুলীচালনা কৰে । আৰক্ষীৰ গুলীচালনত বাওঁভৰিত গুলী লাগি আহত হয় লিংকমেন যোগেন গগৈ।
উল্লেখ্য যে, যোগেন গগৈৰ তথ্যৰ ভিত্তিতেই শনিবাৰে তিনিচুকীয়া পৰা আৰক্ষীয়ে বৃহৎ পৰিমাণৰ বিস্ফোৰক সামগ্ৰী উদ্ধাৰ কৰিছিল । জানিব পৰা মতে, হেমন্ত বৰা নামৰ লোকজনৰ বাৰীত পুঁতি থোৱা অৱস্থাত IED উদ্ধাৰ হৈছিল । লগতে ৮ কেজি প্লাষ্টিক এক্সপ্ল’ছিভো উদ্ধাৰ হোৱা বুলি জানিব পৰা গৈছে ।
যোৰহাট-ডিব্ৰুগড় আৰক্ষীৰ ম’ষ্ট ৱাণ্টেডৰ তালিকাত থকা অপৰাধী যোগেনক লগত লৈ আন দুটা স্থানত বিস্ফোৰক উদ্ধাৰৰ বাবে আৰক্ষীয়ে অভিযান চলাবলৈ গৈছিল । এনে সময়তে পলাবলৈ চেষ্টা কৰোতেই আৰক্ষীয়ে গুলীচালনা কৰিবলৈ বাধ্য হয়। ইতিমধ্যে আৰক্ষীয়ে আহত জুমন বৰাক তিনিচুকীয়া অসামৰিক চিকিৎসালয়ত ভৰ্তি কৰিছে।
লগতে পঢ়ক : Drugs paddler arrested: কৰিমগঞ্জ আৰক্ষীৰ জালত ড্ৰাগছ সৰবৰাহকাৰী