School Headmaster Suspended : প্ৰধান শিক্ষকৰ নাভূত-নাশ্ৰুত কাণ্ড
নেশ্যনেল ডেস্ক, ২৮জুলাই : এইবাৰ বিদ্যালয়ত নাভূত নাশ্ৰুত ঘটনা । শিক্ষকে কলংকিত কৰিলে শিক্ষকক । প্ৰধান শিক্ষকে উলংগ হৈ শুই থাকিল ছাত্ৰ-ছাত্ৰীৰ আগত । ঘটনাৰ পিছতে নিলম্বিত প্ৰধান শিক্ষক । এখন চৰকাৰী প্ৰাথমিক বিদ্যালয়ত সংঘটিত হৈছে এই আজৱ কাণ্ড । এখন চৰকাৰী বিদ্যালয়ৰ এজন প্ৰধান শিক্ষকক ছাত্ৰ-ছাত্ৰীৰ সন্মুখত উলংগ হৈ শুই থকা অৱস্থাত উদ্ধাৰ কৰা হয়(School headmaster suspended) ।
প্ৰাপ্ত তথ্য অনুসৰি , এই ঘটনা সংঘটিত হৈছে উত্তৰ প্ৰদেশৰ বাহৰাইচৰ বিশ্বেশ্বৰগঞ্জৰ এখন চৰকাৰী প্ৰাথমিক বিদ্যালয়ত ৷ এজন প্ৰধান শিক্ষকে সুৰাপান কৰি ছাত্ৰ-ছাত্ৰীৰ সন্মুখত উলংগ হৈ শুই থকা পোৱা যায় । এই সমগ্ৰ ঘটনা অনলাইযোগে বিয়পি পৰে আৰু তাৰ পাছতে নিলম্বিত কৰা হয় শিক্ষকজনক । জানিব পৰা মতে শিক্ষকজনৰ নাম দুৰ্গা প্ৰসাদ জয়ছোৱাল(UP school headmaster suspended after found sleeping naked in front of students) ।
খবৰ অনুসৰি,ভাইৰেল হোৱা ভিডিঅ’টোৰ সত্যতা এতিয়াও জানিব পৰা হোৱা নাই । কিন্তু ঘটনাটো পোহৰলৈ অহাৰ লগে লগে প্ৰাথমিক শিক্ষা বিষয়াই (বি এছ এ) ঘটনাৰ তদন্তৰ নিৰ্দেশ দিয়ে আৰু তাৰ পিছত প্ৰধান শিক্ষকগৰাকীক নিলম্বন কৰে ৷ শিক্ষকগৰাকীৰ বিৰুদ্ধে ইতিমধ্যে এজাহাৰ লাভ কৰা হৈছিল ৷ ব্লক শিক্ষা বিষয়াই কৰা প্ৰাৰম্ভিক তদন্তৰ ভিত্তিত শিক্ষকজনক নিলম্বন কৰা হয়(Drunk UP Headmaster Seen Sleeping Naked In Front Of Students) ৷
এই ঘটনাক লৈ কু-কৰ্মক লৈ ক্ষোভিত অভিভাৱক । অভিভাৱক সকলে দাবী কৰা অনুসৰি, শিক্ষকজনৰ এনেধৰণৰ কাম এয়াই প্ৰথম নহয় ৷ শিক্ষকজনে প্ৰায়েই এনেধৰণৰ অশ্লীল কামত লিপ্ত হয় আৰু শ্ৰেণীকোঠাত কাপোৰ খুলি জিৰণি লয় বুলি কয় ৷ শিক্ষকজনৰ এনে কু-কৰ্মৰ বাবেই ছাত্ৰী সকলে বিদ্যালয়লৈ যোৱা বন্ধ কৰি দিছে বুলি অভিভাৱক সকলে দাবী কৰে (Headmaster of a government primary school in Uttar Pradesh Bahraich has been suspended) ।
লগতে পঢ়ক : Love Jihad controversy: বিতৰ্কৰ আৱৰ্তত প্ৰদেশ কংগ্ৰেছৰ সভাপতি ভূপেন কুমাৰ বৰা