Mizoram Protest : মণিপুৰৰ কাণ্ডক লৈ মিজোৰামৰ আইজলত প্ৰতিবাদ স্থানীয় ৰাইজৰ
নেশ্যনেল ডেস্ক : মণিপুৰৰ কুকি জোমি জনগোষ্ঠীৰ বিৰুদ্ধে হোৱা হিংসা আৰু কেন্দ্ৰৰ নিষ্ক্ৰিয়তাক লৈ মঙলবাৰে আইজলত মিজোৰামৰ নাগৰিক সমাজৰ সংগঠনসমূহে এক ব্যাপক প্ৰতিবাদ সাব্যস্ত কৰে(Mizoram Protest)। মণিপুৰত কুকি-মাৰ-মিজো-জোমি জনগোষ্ঠীৰ ওপৰত ভয়াবহ নিৰ্যাতনৰ বিৰুদ্ধে আইজলত ৰাজপথলৈ ওলাই আহে হাজাৰ হাজাৰ লোক(Thousands of people protest in Aizawl against ethnic violence in Manipur)।
ছ’চিয়েল মিডিয়াত মণিপুৰৰ কাংপকপি জিলাত দুগৰাকী মহিলাক উলংগ কৰাই খোজ কাঢ়িবলৈ বাধ্য কৰা এক ভিডিঅ’ প্ৰকাশ পোৱাৰ পিছতে এই তীব্ৰ প্ৰতিবাদ ।
চেন্ট্ৰেল ইয়ং মিজো এছ’চিয়েশ্যনৰ (CYMA) নেতা অধ্যাপক লালনুন্টলুৱাংগাই কয় যে মণিপুৰত জো জনগোষ্ঠীয় লোকসকলে ভুগি থকা অত্যাচাৰৰ বাবে তেওঁলোকে এইদৰে ৰাজপথলৈ ওলাই আহি তেওঁলোকৰ সৈতে সহমৰ্মিতা প্ৰকাশ কৰিছে।
মণিপুৰৰ কুকিসকলৰ মিজোসকলৰ সৈতে ঘনিষ্ঠ গোষ্ঠীগত সম্পৰ্ক আছে, যাৰ ফলত মিজোৰামৰ নাগৰিক সমাজৰ বাবে বিষয়টো অতি গুৰুত্বপূৰ্ণ হৈ পৰিছে।