Gigi Hadid arrested: বিমানত গাঞ্জা ৰখাৰ অপৰাধত গ্ৰেপ্তাৰ গিগি হাদিদ, জামিনৰ পিছতে শ্বেয়াৰ বল্ড ছবি
এণ্টাৰটেইণ্টমণ্ট ডেস্ক, ১৯ জুলাই : আমেৰিকাৰ ছুপাৰ মডেল গিগি হাদিদৰ সৈতে জড়িত এক ডাঙৰ খবৰ(Gigi Hadid arrested) । কেমেন দ্বীপপুঞ্জত ড্ৰাগছ ৰখাৰ অপৰাধত গিগি হাদিদক গ্ৰেপ্তাৰ কৰাৰ খবৰ পোৱাৰ এদিন পিছতে মডেলগৰাকীয়ে শ্বেয়াৰ কৰিলে ফটো । নিচাজাতীয় দ্ৰব্য ৰখাৰ অভিযোগত আটক হৈছিল মডেলগৰাকী । অৱশ্যে জৰিমনা বিহি জামিনত মুকলি কৰি দিয়া হয় মডেলগৰাকীক(Supermodel Gigi Hadid arrested for transporting weed at UK airport)।
আমেৰিকাৰ ছুপাৰ মডেল গিগি হাদিদ নিজৰ ষ্টাইল ষ্টেটমেণ্টৰ বাবে সকলোৰে পৰিচিত ৷ প্ৰায়ে ছ’চিয়েল মিডিয়াত নিজৰ বল্ড ছবি শ্বেয়াৰ কৰি প্ৰায়ে বাতৰিৰ শিৰোনাম দখল কৰে ছুপাৰ মডেলগৰাকীয়ে ৷ প্ৰত্যেকবাৰৰ দৰে এইবাৰ পুনৰ মডেলগৰাকীয়ে দখল কৰিছে বাতৰিৰ শিৰোনাম ।
অৱশ্যে এইবাৰ নিজৰ বল্ড লুকৰ বাবে নহয়, অন্য এটা কাৰণত হে চৰ্চালৈ আহিছে মডেলগৰাকীয়ে ৷ দৰাচলতে কেইবাটাও সংবাদ মাধ্যমৰ বাতৰি অনুসৰি গিগি হাদিদক গাঞ্জাৰ ৰখাৰ অপৰাধত আটক কৰা হৈছিল । এই ঘটনা পোহৰলৈ অহাৰ পিছতে চৰ্চালৈ আহিছে ছুপাৰ মডেলগৰাকী ৷
উল্লেখ্য যে যোৱা ১০ জুলাইত ব্যক্তিগত বিমানত বন্ধুবৰ্গৰ সৈতে কেমেন দ্বীপপুঞ্জত উপস্থিত হোৱাৰ পিছতে অ’ৱেন ৰবাৰ্টছ আন্তঃৰাষ্ট্ৰীয় বিমানবন্দৰত গ্ৰেপ্তাৰ কৰা হৈছিল ২৮ বছৰীয়া ছুপাৰমডেলগৰাকীক। অৱশ্যে পিছত জামিনত মুকলি কৰি দিয়া হয় গিগিক । জামিল লাভ কৰা এদিন পিছতে গিগি হাদিদে শ্বেয়াৰ কৰিলে নিজৰ বল্ড ফটো ।
তথ্য অনুসৰি গিগি হাদিদ আৰু তেওঁৰ বন্ধুৰে সৈতে ব্যক্তিগত বিমানত উপস্থিত হোৱাৰ কিছু সময়ৰ পিছতে কাষ্টমছ এণ্ড বৰ্ডাৰ কণ্ট্ৰ’লৰ বিষয়াসকলে তেওঁলোকৰ লাগেজত গাঞ্জা আৰু গাঞ্জা সেৱন কৰিবলৈ ব্যৱহাৰ কৰা সামগ্ৰী উদ্ধাৰ কৰে। হাদিদক গ্ৰেপ্তাৰ কৰাৰ পিছত ১০০০ মাৰ্কিন ডলাৰ জৰিমনা বিহা হয় ৷
ইয়াৰ পিছতে মডেলগৰাকীক কয়দী ডিটেনচন চেণ্টাৰলৈ লৈ যোৱা হয়, পিছত জামিনত মুকলি কৰি দিয়া হয় । এই ঘটনাৰ পিছতেই হাদিদে ইনষ্টাগ্ৰামত কেইবাখনো বিকিনি ফটো শ্বেয়াৰ কৰে ।
লগতে পঢ়ক : Chamoli transformer explosion: উত্তৰাখণ্ডৰ চামোলীত ট্ৰেন্সফৰ্মাৰ বিস্ফোৰণ ঘটি নিহত আৰক্ষীসহ ১৫ গৰাকী ব্যক্তি