Ramayan Returns to TV : ‘আদিপুৰুষ’ বিতৰ্কৰ মাজতে ৰমানন্দ সাগৰৰ ‘ৰামায়ণ’ ৩ জুলাইত টিভিত প্ৰচাৰিত হ’ব

এণ্টাৰটেইণ্টমেণ্ট ডেস্ক, ২৮ জুন : পুনৰ টিভিত সম্প্ৰচাৰিত হ’ব ৰামানন্দ সাগৰৰ ‘ৰামায়ণ’ ধাৰাবাহিক(Ramayan Returns to TV) । ৪০ বছৰ পুৰণি টিভি শৃংখলা ৰামায়ণ এতিয়া ৩ জুলাইৰ পৰা পুনৰ দূৰদৰ্শনত প্ৰচাৰিত হ’ব (Ramayan Returns to TV) । ‘আদিপুৰুষ’ বিতৰ্কৰ মাজতে আশীৰ দশকৰ আইকনিক টেলিচিৰিয়েল ‘ৰামায়ণ’পুনৰ সম্প্ৰচাৰিত হ’ব শ্বেমাৰু টিভি চেনেলত ।

ৰামায়ণৰ কাহিনীয়ে মন আলোড়িত কৰা দেশৰ লোকসকললৈ আহিছে এক সু-সংবাদ। অতিশীঘ্ৰেই ভাৰতীয় দৰ্শকসকলে টেলিভিচনত উপভোগ কৰিবলৈ পাব প্ৰতিগৰাকী ভাৰতীয়ৰ প্ৰিয় ৰামানন্দ সাগৰৰ ৰামায়ণ।

ৰামায়ণ বুলিলেই বছৰ বছৰ ধৰি ভাৰতীয় লোকসকলৰ মন-মগজুত প্ৰতিষ্ঠিত হৈ আছে ৰামানন্দ সাগৰে নিৰ্মাণ কৰা এই ধাৰাবাহিকখন । এতিয়া আদিপুৰুষে ভাৰতীয় দৰ্শকৰ মনত তোলা ক্ষোভৰ অন্ত পেলাবলৈ অহা ৩ জুলাইৰ পৰা পুনৰ টেলিভিচনত প্ৰচাৰিত হ’ব ৰামানন্দ সাগৰৰ ৰামায়ণ।

শ্বেমাৰু টিভিয়ে সামাজিক মাধ্যমত এক পোষ্ট যোগে এই ধাৰাবাহিকখন ৩ জুলাইৰ পৰা চেনেলটোত সম্প্ৰচাৰ আৰম্ভ কৰিব বুলি ঘোষণা কৰিছে । ৩ জুলাইৰ পৰা সন্ধিয়া ৭.৩০ বজাৰ পৰা চেনেলটোত ৰামায়ণ দৰ্শনৰ সুযোগ লাভ কৰিব দৰ্শকে।

গতিকে ভাৰতীয় দৰ্শকসকলে পুৰণি এই ৰামায়ণ উপভোগ কৰি নিজৰ মন-মগজুক শিহৰিত কৰি তোলাৰ পুনৰ এবাৰ সুযোগ লাভ কৰিব। লগতে আদিপুৰুষে নতুন প্ৰজন্মৰ মাজত ৰামায়ণৰ যি ধাৰণা দাঙি ধৰিলে, সেই ধাৰণা ৰামানন্দ সাগৰৰ ৰামায়ণে এতিয়া আঁতৰ কৰিব বুলি আশা কৰা হৈছে।

৩ জুলাইৰ পৰা সন্ধিয়া ৭:৩০ বজাৰ পৰা শ্বেমাৰু টিভি চেনেলত প্ৰচাৰ আৰম্ভ হ’ব এই পৌৰাণিক “ৰামায়ণ” । ৰামানন্দ সাগৰৰ পৰিচালিত ‘ৰামায়ণ’ আশীৰ দশকৰ এখন জনপ্ৰিয় ধাৰাবাহিক আছিল । ধাৰাবাহিকখনত ৰামৰ চৰিত্ৰত অভিলয় কৰিছিল অৰুণ গোবিল, সীতাৰ চৰিত্ৰত দীপিকা চিখলিয়া আৰু লক্ষ্মণৰ চৰিত্ৰত সুনীল লাহৰী অভিনয় কৰিছিল । প্ৰয়াত দাৰা সিঙে হনুমানৰ চৰিত্ৰত অভিনয় কৰিছিল আৰু অৰবিন্দ ত্ৰিবেদীয়ে ৰাৱণৰ চৰিত্ৰত অভিনয় কৰিছিল । প্ৰথমে ১৯৮৭ চনৰ ২৫ জানুৱাৰীৰ পৰা ১৯৮৮ চনৰ ৩১ জুলাইলৈকে এই অনুষ্ঠানটোৱে দৰ্শকৰ পৰা ব্যাপক সঁহাৰি লাভ কৰিছিল ।

ইনষ্টাগ্ৰামত চেনেল শ্বেমাৰু টিভিয়ে চুপাৰ হিট শ্ব’ ‘ৰামায়ণ’ৰ প্ৰ’ম’ শ্বেয়াৰ কৰি অনুৰাগীসকলক অৱগত কৰে(Ramayan Returns to TV) । ইয়াত হিন্দীত কেপচন দি লিখিছে “আমি আপোনালোক সকলো মৰমৰ দৰ্শকৰ মাজলৈ লৈ আহিছো বিশ্ববিখ্যাত পৌৰাণিক ধাৰাবাহিক “ৰামায়ণ” ৩ জুলাইৰ পৰা সন্ধিয়া 7:30 বজাত কেৱল আপোনাৰ প্ৰিয় চেনেল #ShemarooTV”ত “ৰামায়ণ” চাওক।

সম্পত্তি ছ’চিয়েল মিডিয়াত ওম ৰাউতৰ সদ্য মুক্তি পোৱা প্যান ইণ্ডিয়া ছবি ‘আদিপুৰুষ’ৰ বিতৰ্কৰ মাজতে পুনৰ টিভিৰ পৰ্দালৈ এই অনুষ্ঠানটো ঘূৰি অহাৰ কথা ঘোষণা কৰা হৈছে(Adipurush) ।

১৬ জুনত মুক্তি পোৱা অদিপুৰুষে দৰ্শকৰ পৰা যথেষ্ট প্ৰতিক্ৰিয়া লাভ কৰিছে । চলচ্চিত্ৰখনে সমগ্ৰ দেশৰ পৰা নেতিবাচক সমালোচনা লাভ কৰিছিল । নিকৃষ্ট ভিএফএক্সৰ পৰা আৰম্ভ কৰি সংলাপলৈকে, চলচ্চিত্ৰখনে চলচ্চিত্ৰ নিৰ্মাতাসকলৰ প্ৰত্যাশা পূৰণ কৰা নাই । ইয়াৰ মাজতে, এতিয়া ঘোষণা কৰা হৈছে যে ৰামানন্দ সাগৰৰ জনপ্ৰিয় অনুষ্ঠান ৰামায়ণ শীঘ্ৰেই দূৰদৰ্শনত পুনৰ চলিব । শ্বেমাৰু টিভিয়ে ঘোষণা কৰিছে পৌৰাণিক অনুষ্ঠানটো ৩ জুলাইৰ পৰা চেনেলটোত সম্প্ৰচাৰ আৰম্ভ কৰা হ’ব।

ইয়াৰ পূৰ্বে ২০২০ চনত covid-lockdownৰ সময়ত দূৰদৰ্শনে জনসাধাৰণৰ চাহিদা অনুসৰি পৌৰাণিক ধাৰাবাহিকখন পুনৰ টেলিকাষ্ট কৰাৰ সিদ্ধান্ত লৈছিল বুলি কেন্দ্ৰীয় তথ্য আৰু সম্প্ৰচাৰ মন্ত্ৰী প্ৰকাশ জাভাড়েকাৰে জনায়।

‘অদিপুৰুষ’ৰ বিষয়ে ক’বলৈ গ’লে, ৰামায়ণৰ নাটকীয় পুনৰাবৃত্তি হোৱা ছবিখনৰ দুৰ্বলতা ভিএফএক্স আৰু ‘মাৰেগা বেটে’, ‘বুৱা কা বাগিচা হে ক্যা’ আৰু ‘জলেগী তেৰে বাপ কি’কে ধৰি বিতৰ্কিত সংলাপৰ বাবে ছ’চিয়েল মিডিয়াত প্ৰতিক্ৰিয়াৰ সন্মুখীন হৈছিল ।

সমালোচকৰ পৰা পৰ্যালোচকলৈকে ছবিখনৰ কিছুমান বিশেষ সংলাপক লৈ দেশৰ বিভিন্ন প্ৰান্তৰ কেইবাজনো লোকে বিভিন্ন বিতৰ্কিত মন্তব্য কৰিছে । এনে ধৰণৰ সমালোচনাৰ পৰিপ্ৰেক্ষিতত, ‘আদিপুৰুষ’ৰ নিৰ্মাতাসকলে সংলাপবোৰ পুনৰ নিৰ্মাণ কৰিছিল ।

এই সন্দৰ্ভত ৰমানন্দ সাগৰৰ পুত্ৰ প্ৰেম সাগৰে ইয়াৰ পূৰ্বে কয় যে , “মনোজ মুন্টাশ্বিৰ হিন্দু ধৰ্মৰ বিষয়ে ভালদৰেই অৱগত । মই বুজি নাপাওঁ যে তেওঁ কেনেকৈ চিনেমাখনত এনে সংলাপ কল্পনা কৰিছিল। নৱ প্ৰজন্মই ভাল পাব বুলি কোৱাটো ভুল বিচাৰ ।” .কিন্তু দৰ্শকৰ লগত এই কামটো কৰিব নোৱাৰি । এইটো বাল্মিকী ৰামায়ণৰ আধাৰত নিৰ্মিত বুলি নকব, আন কোনো নাম দিয়ক। ইয়াক এখন ‘কল্পনামূলক’ চলচ্চিত্ৰ তৈয়াৰ কৰক। যদি ৰমায়ণ বনাইছে তেন্তে আৱেগক আঘাত দিব নোৱাৰে । দৰ্শকে এই ছবিখন ভক্তিৰে চাই ।”

লগতে তেওঁ কয় যে “মই চিনেমাখনৰ ক্লিপবোৰ দেখিছো আৰু সুনীল লেহৰীৰ দৰে লোকৰ সৈতে যথেষ্ট বাৰ্তালাপ কৰিছিলো (যিয়ে ৰামানন্দ সাগৰৰ ‘ৰামায়ণ’ত লক্ষ্মণৰ চৰিত্ৰত অভিনয় কৰিছিল) । গতিকে কিবা এটা সমস্যা আছে । চিনেমাখন চাবলৈও মোৰ মন নাই ।”ৰাৱণ যথেষ্ট জ্ঞানী আছিল আৰু আপুনি সোণালী লংকা (চোন কি লংকা) ক’লা কৰি তুলিছে , আৰু তেওঁৰ চেহেৰাটো 5 টা মুৰ ওপৰলৈ আৰু 5 টা মুৰ তললৈ লৈ আছে,” ।

ৰামানন্দ সাগৰৰ ‘ৰামায়ণ’ত লক্ষ্মণৰ চৰিত্ৰত অভিনয় কৰা অভিনেতা সুনীল লাহৰীয়ে আগতে কৈছিল, “মই ছবিখন দেখিছো । চিনেমাখন চোৱাৰ পিছত মই বহুত হতাশ হৈছো.. মোৰ মনত এনে চিন্তা আহিছিল যে, মই চিনেমাখন চাবলৈ কিয় গৈছিলো? মই ছবিখন একেবাৰে ভাল পোৱা নাছিলো । চিনেমাখনত সোৰ মাত্ৰ দুটা বিষয়ে ভাল লাগিল – বেকগ্ৰাউণ্ড মিউজিক আৰু চিনেমেট’গ্ৰাফী । এই দুটা দিশবাদ দি ছবিখনে মোক যথেষ্ট হতাশ কৰি তুলিছিল।”

“ছবিখন চোৱাৰ পিছত, ইয়াৰ প্ৰতি কেনেদৰে প্ৰতিক্ৰিয়া দেখুৱাব লাগে তাৰ কোনো ধাৰণা মোৰ নাছিল । নিজকে আঁতৰাই ৰাখি, যিহেতু মই ৰামায়ণত এটা চৰিত্ৰত অভিনয় কৰিছিলো, আনকি থিয়েটাৰত মোৰ চাৰিওফালে বহি থকা লোকসকলেও চিনেমাখন চাই সুখী হোৱা নাছিল । দুগৰাকী মহিলা ইজনে সিজনক লৈ ধৰিলে ‘আহক উঠি খোজ কাঢ়ো । আমি কি আজে বাজে কথা চাই আছো?” সেই সন্দৰ্ভত আনগৰাকী মহিলাই ক’লে, ‘আন একো নহ’লে ভিজুৱেল ইফেক্ট চাওঁ আহক’। লগতে তেওঁ কয়, মোৰ কাষত বহি থকা এজন ব্যক্তিয়ে তেওঁৰ বন্ধুক কৈছিল, ‘তেওঁলোকে ৰামায়ণৰ নামত কি দেখুৱাইছে?’,

ওম ৰাউতৰ দ্বাৰা পৰিচালিত ‘অদীপুৰুষত প্ৰভাসে ভগৱান ৰাম, কৃতি চাননে দেৱী সীতাৰ চৰিত্ৰত, ছানী সিঙে লক্ষ্মণৰ চৰিত্ৰত আৰু ছেইফ আলী খানে ৰাৱণৰ চৰিত্ৰত অভিনয় কৰিছে ।

লগতে পঢ়ক : Rahul Gandhi To Visit Manipur : দুদিনীয়া ভ্ৰমণসূচীৰে অশান্ত মণিপুৰ ভ্ৰমণ কৰিব ৰাহুল গান্ধীয়ে