ডিজিটেল ডেস্ক:- ডুমডুমাত মাৰোৱাৰী যুৱ মঞ্চৰ নতুন সমিতিৰ ৪১তম শপত গ্ৰহণ অনুষ্ঠান সম্পন্ন হয়। মাৰোৱাৰী যুৱ মঞ্চৰ ডুমডুমা শাখাৰ নতুন সমিতিৰ শপত গ্ৰহণ অনুষ্ঠান ডুমডুমাত সম্পন্ন হৈ যায়। ডুমডুমা পঞ্চায়তী ভৱনত ৰোহিত আগৰৱালাক সভাপতি, বিশাল শৰ্মাক সম্পাদক, পীয়ুষ গোৱেলক কোষাধ্যক্ষ হিচাপে লৈ গঠন কৰা সমিতিৰ উক্ত শপত গ্ৰহণ অনুষ্ঠানত মাৰোৱাৰী যুৱ মঞ্চৰ বিভিন্ন পৰ্যায়ৰ বিষয়ববীয়া উপস্থিত থাকে। উক্ত অনুষ্ঠানতে কেন্দ্ৰীয় চৰকাৰৰ বেটি বচাও, বেটি পঢ়াও শ্লোগানক সন্মান জনাই ডুমডুমা অঞ্চলৰ দৰিদ্ৰ সীমাৰেখাৰ তলৰ ৫গৰাকী ছাত্ৰীক কিতাপ-পত্ৰ প্ৰদান কৰাৰ লগতে ছাত্ৰীকেইগৰাকীক পঢ়োৱাৰ খৰছৰ দায়িত্বও লোৱা হব বুলি মাৰোৱাৰী যুৱ মঞ্চৰ ডুমডুমা শাখাৰ বিষয়ববীয়াই জানিবলৈ দিয়ে । সভাখন সঞ্চালন কৰে মাৰোৱাৰী যুৱ মঞ্চৰ প্ৰাক্তন সভাপতি, জ্যেষ্ঠ সাংবাদিক দীনেশ গোয়েলে।
Next Post