ডিজিটেল ডেস্ক:-আজি বলীউডৰ অভিনেত্ৰী শ্ৰদ্ধা কাপুৰৰ জন্মদিন। বলীউডৰ অভিনেত্ৰী শ্ৰদ্ধা কাপুৰে আজি উদযাপন কৰিছে ৩৬ সংখ্যাক জন্মদিন।অভিনেত্ৰী শ্ৰদ্ধা কাপুৰক জন্মদিনটোত পৰিয়ালৰ লগত উদযাপন কৰা দেখা যায় ।”ষ্টাৰ কিড” হোৱা স্বত্বেও অভিনেত্ৰী গৰাকীৰ গণনা এনে কিছু শিল্পীৰ অংকত হয়; যি সকল শিল্পী নিজ প্ৰতিভাৰ বাবে আগবাঢ়িছে।
শ্ৰদ্ধা কাপুৰৰ ভায়েক অভিনেতা সিদ্ধান্ত কাপুৰে তেওঁৰ ভগ্নীৰ বাবে এক বিশেষ শুভেচ্ছা আৰু লগতে ইনষ্টাগ্ৰামত এখন ফটো শ্বেয়াৰ কৰিছে। সিদ্ধান্তই শ্ৰদ্ধাৰ বাবে তেওঁৰ জন্মদিনৰ শুভেচ্ছাত “পৃথিৱীৰ আটাইতকৈ দয়ালু ভগ্নী”, “শ্ৰেষ্ঠ কন্যা” আৰু “সৰ্বশ্ৰেষ্ঠ বন্ধু” বুলি অভিহিত কৰিছে।
সিদ্ধান্তই শ্ৰদ্ধাৰ সৈতে ছচিয়েল মিডিয়াত কেইবাখনো ফটো শ্বেয়াৰ কৰিছে। ভাতৃ-ভগ্নী যুটিয়াকৈ হাছিনা পাৰকাৰ (২০১৭)ত একেলগে অভিনয় কৰা দেখা গৈছিল। শ্ৰদ্ধাক শেষবাৰৰ বাবে ২০২০ চনত বাগী ৩ ত দেখা গৈছিল, তেওঁক বৰুণ ধাৱান আৰু কৃতি চাননৰ ভেদিয়া (২০২২)ত এটা বিশেষ কেমিঅ’ কৰা দেখা গৈছিল।
২০১০ চনত মুক্তিপ্ৰাপ্ত “তীন পত্তীৰ” ৰ পৰা শ্ৰদ্ধাই লাভ কৰিছিল অভিনয় কৰাৰ সুবিধা। অমিতাভ বচ্চনৰ সৈতে অভিনয় জীৱনৰ প্ৰথমখন ছবি লাভ কৰাৰ পিছতো তেওঁক সঁহাৰি জনোৱা নাছিল দৰ্শকে কিয়নো এই ছবিখনত তেওঁৰ চৰিত্ৰটো একেবাৰেই সৰু আছিল।
শ্ৰদ্ধাই ১৬ বছৰ বয়সতে অভিনেতা ছলমান খানৰ পৰা লাভ কৰিছিল ছবিৰ অফাৰ। কিন্তু সেইটো সময়ত তেওঁ এগৰাকী মনোবিজ্ঞানী হ’ব বিচাৰিছিল বাবেই এই ছবিখন তেওঁ গ্ৰহণ কৰা নাছিল।নিজৰ অভিনয় তথা নৃত্যৰে দৰ্শকৰ দৃষ্টি আকৰ্ষণ কৰা শ্ৰদ্ধাৰ অনুৰাগীৰ সংখ্যা লেখত ল’বলগীয়া। এই গৰাকী অভিনেত্ৰীক জনাইছো জন্মদিনৰ অশেষ শুভকামনা।