ডিজিটেল ডেস্কঃ জনগণৰ তেজ শুহি থকা টোলগেট বন্ধ কৰাৰ দাবীত প্ৰতিবাদ কৰিবলৈ যোৱা লোকক আটক কৰাৰ লগতে সাংবাদিকক ৰ্দুব্যৱহাৰ কৰাত উত্তপ্ত পৰিস্থিতিৰ সৃৃষ্টি হয় বজালীত৷ আম আদমী পাৰ্টীয়ে টোলগেট বন্ধ কৰাৰ দাবী জনাই আজি উত্তাল প্ৰতিবাদ সাব্যস্ত কৰাত নামনিৰ বজালীত উত্তপ্ত পৰিস্থিতিৰ সৃষ্টি হয়৷
বজালীৰ ২৭নং ৰাষ্ট্ৰীয় ঘাইপথৰ গলিয়া টোলগেটত আপে গণধৰ্না কাৰ্যসূচী ৰূপায়ন কৰে৷ কেন্দ্ৰীয় চৰকাৰৰ নীতি-নিয়ম উলংঘা কৰা টোল প্লাজাসমূহ স্থাপন কৰাৰ অভিযোগ আনি টোলগেট বন্ধ কৰাৰ দাবী জনাই আপে৷
আপৰ গণধৰ্না কাৰ্যসূচীক লৈ উত্তপ্ত পৰিস্থিতিৰ সৃষ্টি হয় গলিয়া টোলগেটত৷ আৰক্ষীয়ে আম আদমী পাৰ্টীৰ কৰ্মীক আটক কৰাৰ লগতে টোলগেটৰ কৰ্মচাৰীয়ে সাংবাদিকক দুৰ্ব্যৱহাৰ কৰাতে উত্তপ্ত পৰিস্থিতিৰ সৃষ্টি কৰে৷ পৰিস্থিতি নিয়ন্ত্ৰণ কৰিবলৈ আৰক্ষীয়ে আটক কৰে টোলগেটৰ প্ৰবন্ধক আৰু কৰ্মচাৰীক৷ দীৰ্ঘ সময়ৰ মূৰকত টোলগেট বন্ধ কৰাৰ দাবীত সৰৱ হৈছে এটা বিৰোধী দল৷