ডিজিটেল ডেস্কঃ ৰজনী মাষ্টৰ খ্যাত বিশিষ্ট অভিনেতা ভোলা কটকী উভতি নহা বাটেৰে গুছি গ’ল৷ একাংককীয়া নাটৰ জনক, গণনাট্য সংঘৰ আজীৱন কৰ্মী, নটসূৰ্য্য বঁটা প্ৰাপ্ত অভিনেতাগৰাকীয়ে আজি দিনৰ ২ বাজি ১৫ মিনিটত ইহলীলা সম্বৰণ কৰে৷ শিল্পীগৰাকী চিকিৎসাধীন হৈ আছিল GMCHত৷ মঞ্চ আৰু চলচ্চিত্ৰজগতৰ অভিনেতা শিল্পী ভোলা কটকী যোৱা ১৭ দিন ধৰি গুৰুতৰভাৱে অসুস্থ হৈ GMCHত চিকিৎসাধীন হৈ আছিল। শিল্পীগৰাকীৰ মৃত্যুত সৰ্বত্ৰে শোকৰ ছাঁ পৰিছে।
