সৰ্থেবাৰীঃ বৰপেটা জিলাৰ সৰ্থেবাৰী আৰক্ষী থানাৰ অন্তৰ্গত গহিয়াত সংঘটিত পথ দুৰ্ঘটনাত দুগৰাকী লোক আহত হোৱাৰ লগতে এগৰাকী লোক নিহত হোৱাৰ খবৰ পোৱা গৈছে৷ AS-25-N-8842 নম্বৰৰ পালচাৰ চলাই অহা যুৱকগৰাকীয়ে হাৰান মণ্ডল নামৰ ব্যক্তিজনক পাছফালৰ পৰা খুন্দি মাৰে৷ দুৰ্ঘটনাত হাৰান মণ্ডল নামৰ লোকগৰাকী থিতাতে নিহত হোৱাৰ লগতে বাইক আৰোহী দুই যুৱক আহত হয়। স্থানীয় লোকসকলে আহত দুজনক বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয়লৈ প্ৰেৰণ কৰে। নিহত লোকগৰাকী সৰুক্ষেত্ৰী মৌজাৰ বেছিমাৰী গাঁৱৰ হাৰান মণ্ডল (৭২) বুলি জানিব পৰা গৈছে। আনহাতে, বাইক আৰহী দুই যুৱকৰ এগৰাকী সৰুক্ষেত্ৰী মৌজাৰ বুঢ়িখামাৰ গাঁৱৰ ৰফিকুল আলীৰ আৰু আন গৰাকী এইপৰ্যন্ত নাম জানিব পৰা নাই। হাৰান মণ্ডলৰ মৃত্যুত সমগ্র অঞ্চলটোত শোকৰ ছাঁ পৰে।
