নিউজ ডেস্ক: কামৰূপ জিলাৰ বেজেৰাস্থিত ৰাজহুৱা প্ৰেক্ষাগৃহত উদয়ন শান্তি নিকেতন আৰু প্ৰতুষ্যৰ যৌথ উদ্যোগত প্ৰয়াত শিক্ষাবিদ, সমাজকৰ্মী ড০ খৰ্গেশ্বৰ ডেকাৰ শ্ৰদ্ধাঞ্জলি জ্ঞাপন কৰিবলৈ বিশেষ অনুষ্ঠান অনুষ্ঠিত হয়৷ ড০ নীতিশ শৰ্মা শাস্ত্ৰীৰ মংগলাচৰণ সংস্কৃত স্তোত্ৰ পাঠেৰে আৰম্ভ কৰা প্ৰয়াত ডেকাৰ প্ৰতিচ্ছৱিতত বন্তি প্ৰজ্বলন কৰে সহধৰ্মিনী সুচিত্ৰা ডেকাই। কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ অৱসৰপ্ৰাপ্ত উপাচাৰ্য ড০ হিতেশ ডেকাই প্ৰয়াত ডেকাৰ জীৱন আৰু ব্যক্তিত্বৰ বিষয়ে বিশ্লেষণ আগবঢ়াই। অনুষ্ঠানত ড০ নৃপেন্দ্ৰ নাথ তালুকদাৰ, ৰজনীকান্ত তালুকদাৰ, বলোৰাম বৰুৱা, ড০ ভূৱনেশ্বৰ ডেকা, সমাজসেৱিকা উৰ্বশী চৌধুৰীয়ে প্ৰয়াত ডেকাৰ সামাজিক অৱদান সন্দৰ্ভত বিস্তৃত ব্যাখ্যা আগবঢ়ায়।
