নিউজ ডেস্ক : ওপজা দিনটোত উদ্যানত চিতা এৰিলে প্ৰধানমন্ত্ৰী নৰন্দ্ৰ মোদীয়ে৷ নামিবিয়াৰ পৰা অনা চিতাকেইটা আজি প্ৰধানমন্ত্ৰী নৰেন্দ্ৰ মোদীয়ে খোদ কুনো ৰাষ্ট্ৰীয় উদ্যানত মুকলি কৰে। ভাৰতত চিতা বিলুপ্ত ঘোষণা কৰাৰ সাত দশক পিছত দেশখনত প্ৰজাতিটো পুনৰ সংস্থাপন কৰাৰ প্ৰকল্পৰ অংশ হিচাপে নামিবিয়াৰ পৰা এটা বিশেষ কাৰ্গো বিমানেৰে আঠটা চিতা অনা হৈছে। মালবাহী বোয়িং বিমান এখনে শুকুৰবাৰে নিশা নামিবিয়াৰ পৰা চিকা কেইটাক ভাৰতলৈ লৈ আহে।
প্ৰধানমন্ত্ৰী নৰেন্দ্ৰ মোদীয়ে কুনো ৰাষ্ট্ৰীয় উদ্যানত তেওঁৰ জন্মদিনত নামিবিয়াৰ পৰা অনা চিতাকেইটা আজি পুৱা মুকলি কৰে। কুনো ৰাষ্ট্ৰীয় উদ্যানত অস্থায়ীভাৱে সাজি উলিওৱা মঞ্চৰ পৰা চিতাকেইটাক বিশেষ পিঞ্জৰাৰ পৰা মুকলি কৰা হয়৷ প্ৰধানমন্ত্ৰী মোদীয়ে এটা ডিএছএলআৰ হাতত লৈ ফটো লোৱা দেখা যায়৷ চিতাবোৰ ইউৰোপৰ মলদোভাৰ চিচিনাউস্থিত এয়াৰলাইন ‘টেৰা আভিয়া’ৰ এক বিশেষ বিমানত অনা হৈছে। যিয়ে ই-চাৰ্টাৰ্ড যাত্ৰী আৰু কাৰ্গো বিমান পৰিচালনা কৰে।
কুনো ৰাষ্ট্ৰীয় উদ্যান বিন্ধ্যচল পাহাৰৰ উত্তৰ প্ৰান্তস্থিত আৰু ই ৩৪৪ বৰ্গ কিলোমিটাৰ এলেকাত বিয়পি আছে। য’ত পূৰ্বে বৃহৎ সংখ্যক চিতা পোৱা গৈছিল৷ কিন্তু লাহে লাহে চিতাৰ সংখ্যা হ্ৰাস পাই বিলুপ্ত হয়। ৰাষ্ট্ৰীয় উদ্যানখন মধ্য প্ৰদেশৰ শ্বেওপুৰত আছে৷ গোৱালিয়ৰৰ পৰা প্ৰায় ১৬৫ কিলোমিটাৰ দূৰত্ব।
আঠটা চিতাৰ ভিতৰত ৫টা মাইকী আৰু তিনিটা মতা চিতা। চিতা সংৰক্ষণ সংস্থা চমুকৈ চিচিএফ কৰ্তৃপক্ষৰ মতে, পাঁচগৰাকী মহিলাৰ বয়স দুইৰ পৰা পাঁচ বছৰৰ ভিতৰত৷ আনহাতে মতা চিতাৰ বয়স ৪-৫ বছৰৰ পৰা ৫-৫ বছৰৰ ভিতৰত। ১৯৫২ চনত চিতাক ভাৰতত বিলুপ্ত ঘোষণা কৰা হয়। ভাৰতত আফ্ৰিকান চিতা পৰিচয় প্ৰকল্প ২০০৯ চনত আৰম্ভ হৈছিল আৰু শেহতীয়া বছৰবোৰত গতি লাভ কৰিছে। ভাৰতে চিতা আমদানিৰ বাবে নামিবিয়া চৰকাৰৰ সৈতে বুজাবুজিৰ চুক্তি স্বাক্ষৰ কৰিছে।