নিউজ ডেস্ক : গুৱাহাটীৰ বৰষাপাৰাত সংবাদ মাধ্যমক সম্বোধন কৰি অসম ক্ৰিকেট সংস্থাৰ সভাপতি ৰমেন দত্ত আৰু সচিব দেৱজিৎ শইকীয়াই জানিবলৈ দিয়ে যে ২ অক্টোবৰত অনুষ্ঠিত হ’বলগীয়া দক্ষিণ আফ্ৰিকাৰ বিৰুদ্ধে খেলখনৰ টিকট বিক্ৰী ১৬ ছেপ্টেম্বৰৰ পৰা আৰম্ভ হ’ব।
টিকট বিক্ৰী দুটা পৰ্যায়ত অনুষ্ঠিত হ’ব আৰু অনলাইন মোডত পুৱা ১১ বজাৰ পৰা আৰম্ভ হ’ব বুলি জানিব দিয়ে।
প্ৰথম পৰ্যায়ত, ১৬ ছেপ্টেম্বৰৰ পৰা মুঠ ১৫,০০০ টিকট উপলব্ধ হ’ব।
দ্বিতীয় পৰ্যায়ত, আন ৫,০০০ টিকট বিক্ৰী ২৬ ছেপ্টেম্বৰৰ পৰা আৰম্ভ হ’ব।
তদুপৰি, ৰাজ্যিক ক্ৰিকেট সংস্থাটোৱে জনসাধাৰণৰ বাবে মুঠ ২০,৮৪৯ টা টিকট উপলব্ধ কৰা হ’ব বুলি জানিবলৈ দিয়ে।
২৫ ছেপ্টেম্বৰৰ পৰা নেহৰু ষ্টেডিয়ামত টিকটৰ হাৰ্ড কপি উপলব্ধ হ’ব। ইয়াৰ উপৰিও, বুকমাইশ্ব’ত বুকিংৰ বাবে অনলাইন টিকট উপলব্ধ হ’ব বুলি তেওঁলোকে উল্লেখ কৰে।
ৰাজ্যখনত ক্ৰিকেটৰ বাবে পৰিচালনা সমিতিয়ে ছাত্ৰ-ছাত্ৰীসকলৰ বাবে বিশেষ মূল্যৰ সৈতে খেলখনৰ টিকটৰ মূল্য নিৰ্ধাৰণ কৰাৰ কথা ঘোষণা কৰিছিল।
শিক্ষাৰ্থীসকলে যোৱাবাৰতকৈ ২৫ টকা কম মূল্যত ৪৯৫ টকাৰ টিকট লাভ কৰিবলৈ সক্ষম হ’ব।
অসম ক্ৰিকেট সংস্থাই উল্লেখ কৰিছিল যে ভাৰত আৰু দক্ষিণ আফ্ৰিকাৰ দুয়োপক্ষই হোটেল ৰেডিচন ব্লুত থাকিব।