নিউজ ডেস্ক, ১৩ ছেপ্তেম্বৰ : মহানগৰীত পুনৰ ৰহস্যজনক মৃত্যুৰ ঘটনা। মঙলবাৰে পুৱা মহানগৰীৰ Bora service অঞ্চলত অৱস্থিত হোটেল ভগৱানৰ (Bhagaban) এটা কোঠাৰ পৰা উদ্ধাৰ হৈছে এটা মৃতদেহ।
মৃতদেহটো অপৰাধ অনুসন্ধান বিভাগৰ (CID) এজন সহকাৰী উপ-পৰিদৰ্শক (ASI)ক নিৰ্মল ভূঞাৰ বুলি চিনাক্ত কৰা হৈছিল ।
খবৰ অনুসৰি, ভূঞা যোৱা চাৰি মাহ ধৰি হোটেলখনৰ ২০১ নং কোঠাত আছিল। উল্লেখ্য যে, তেওঁৰ মৃত্যুৰ কাৰণ বৰ্তমানেও জানিব পৰা হোৱা নাই।
হোটেলৰ কৰ্মচাৰীসকলে জনাইছিল যে চাৰি মাহ ধৰি ভূঞা হোটেলখনত থকাৰ সময়ছোৱাত সময়ে সময়ে কেইজনমান লোক আহিছিল কিন্তু একো অস্বাভাৱিক হোৱা নাছিল।
এজন কৰ্মচাৰীয়ে তেওঁক শেষবাৰৰ বাবে দেওবাৰে সন্ধিয়া দেখা গৈছিল বুলি জানিব দিয়ে ।
আনহাতে, ভূঞাৰ পৰিয়ালৰ সদস্যসকলে তেওঁ সুৰাপান কৰাৰ ফলত মৃত্যু বৰণ কৰিব পাৰে বুলি সন্দেহ প্ৰকাশ কৰিছে কিয়নো তেওঁ এজন সুৰাপায়ী আছিল আৰু বছৰ আগতে মুক্ত হৃদযন্ত্ৰৰ অস্ত্ৰোপচাৰও (open-heart surgery) কৰিছিল।
তদুপৰি, তেওঁৰ পত্নীয়ে জনাইছিল যে দুয়োজনৰ মাজত হোৱা বিবাদৰ বাবে তেওঁ যোৱা কেইবছৰমান ধৰি তেওঁৰ পৰিয়ালৰ পৰা আঁতৰি আছিল।
পৰৱৰ্তী সময়ত, পল্টনবজাৰ আৰক্ষী ঘটনাস্থলীত উপস্থিত হৈছিল আৰু পৰিস্থিতিৰ বুজ লৈছিল।
সম্প্ৰতি, বিষয়টোৰ অধিক তদন্ত চলি আছে।