নিউজ ডেস্ক, ২২ জুলাই : পৰিবহণ বিভাগ আৰু বাছ চালকসকলৰ মাজত চলি থকা অচলাৱস্থাৰ মাজত শুকুৰবাৰে গুৱাহাটীৰ কেইবাটাও পথত চিটি বাছ চলাচল নকৰাৰ সিদ্ধান্ত।
বাতৰি অনুসৰি, চিটি বাছ চালক আৰু কণ্ডাক্টৰসকলে পৰিবহন বিভাগৰ ফালৰ পৰা বিভিন্ন সমস্যাৰ প্ৰতি নিষ্ক্ৰিয়তাৰ অভিযোগ উত্থাপন কৰিছে।
বাছ চালক আৰু কণ্ডাক্টৰসকলে আজি গুৱাহাটীৰ বশিষ্ট অঞ্চলত পৰিবহন বিভাগে তেওঁলোকৰ সমস্যা শুনিবলৈ অনিচ্ছুক হোৱাৰ বিৰুদ্ধে প্ৰতিবাদ কৰে।
তেওঁলোকে অভিযোগ কৰিছিল যে চহৰৰ কেইবাটাও ঠাইত চিটি বাছৰ কোনো নিৰ্ধাৰিত ষ্টপেজ পইণ্ট নাই।
তদুপৰি, যিবোৰ আছে, তাৰ বেছিভাগ ষ্টপেজ সৰু বাহনৰ পাৰ্কিং স্থান হিচাপে নিৰ্ধাৰিত কৰা আছে।
প্ৰতিবাদকাৰী বাছ চালকসকলে অভিযোগ কৰিছে , যে নিৰ্ধাৰিত ষ্টপেজবোৰ পাৰ্কিং স্থান হিচাপে নিৰ্ধাৰিত কৰাৰ বাবে, বাছবোৰ প্ৰদত্ত ষ্টপেজ পইণ্টৰ আগতে বা পিছত ৰ’ব লাগিব, যাৰ ফলত যান-জঁট হ’ব আৰু যান-বাহন আৰক্ষী বিষয়াই জৰিমনা কৰ্তন কৰিব।
বিষয়টো চোৱা-চিতা কৰাৰ বাবে বাৰে বাৰে আহ্বান জনোৱাৰ পিছত, গুৱাহাটীৰ চিটি বাছৰ কৰ্মচাৰীসকলে বশিষ্টৰ ষ্টপেজ পইণ্টৰ ওচৰত Picketing কৰিছিল, আৰু পৰিবহন বিভাগৰ বিৰুদ্ধে শ্ল’লগান উত্থাপন কৰিছিল।