নিউজ ডেস্ক, ২৪ মে’- বৰ্তমান সময়ত ভাইৰেল এই গাৰ নোম শিয়ৰি উঠা ভিডিঅ’টো আফ্ৰিকাৰ জামাইকাৰ চিৰিয়াখানাৰ। ভিডিঅ’টোত এজন ব্যক্তিক দেখা গৈছে, যিজনে হয়তো ফুৰিবলৈ আহিছিল আৰু সিংহৰ গঁৰালত আঙুলি সুমুৱাই ধেমালি কৰি আছিল। তাৰ পিছত লোকজনৰ সৈতে যি হ’ল সেয়া দেখিলে শিয়ৰি উঠিব আপুনি।
আফ্ৰিকাৰ এখন চিৰিয়াখানাৰ এটা ভিডিঅ’ (Jamaican Zoo Viral Video) বৰ্তমান ছ’চিয়েল মিডিয়াত ভাইৰেল হৈ পৰিছে, য’ত এজন ব্যক্তিয়ে এটা সিংহৰ সৈতে ধেমালি কৰিবলৈ আৰম্ভ কৰিছিল আৰু সোনকালেই ইয়াৰ পৰিণাম ভোগ কৰিলে।
ভিডিঅ’ টোত ব্যক্তিজনে সিংহটোৰ সৈতে ধেমালি কৰিবলৈ পিঞ্জৰাৰ ফুটাই আঙুলি ভৰাই দিলে । প্ৰথম অৱস্থাত সিংহটোৱে একো কৰা নাছিল কিন্তু পিছত ব্যক্তিজনৰ আঙুলিত কামোৰি ধৰিলে। সৌভাগ্যবসত আঙুলি কেইটাৰ হাড়কেইদাল ঘূৰাই পালে কিন্তু আঙুলিৰ মঙহ ঘূৰাই নাপালে।
এনেই নকয় সিংহক দূৰৰ পৰা চাই গুচি যোৱা ভাল, লাগিলে সি পিঞ্জৰাতে থাকক। এই সৰু কথাটোকে বুজি নাপাই সিংহৰ সৈতে ধেমালি কৰিবলৈ গৈ ভুগিলে পৰিণাম।