নিউজ ডেস্ক, ২৩ মে’- এছিয়াৰ আটাইতকৈ পৰিষ্কাৰ গাওঁখন মাওলিননং ।
২০০৩ চনত, ডিস্কভাৰ ইণ্ডিয়াৰ দ্বাৰা মাওলিননংক এছিয়াৰ আৰু ২০০৫ চনত ভাৰতৰ আটাইতকৈ পৰিষ্কাৰ গাঁৱৰ খিতাপ প্ৰদান কৰা হৈছিল। এই গাওঁখনে পৰিষ্কাৰ – পৰিচ্ছন্নতাৰ লগতে, যথেষ্ট সফলতা অৰ্জন কৰিছে।
মাওলিননংৰ বতৰ গোটেই বছৰটোতেই মনোৰম হয় । তথাপিও মেঘালয়ৰ মাওলিননং ভ্ৰমণ কৰাৰ উত্তম সময় হৈছে বাৰিষা।
বৰষুণৰ বতৰত, এই গাওঁখন আৰু ইয়াৰ চাৰিওফাল সেউজীয়া হৈ পৰাৰ লগতে মনোমোহা হৈ উঠে।
আনহাতে এই গাওঁখনত পতা মূখ্য উৎসৱ সমূহ হৈছে – জুলাইত বেহডিয়েনখলাম, ছেপ্টেম্বৰৰ পৰা ডিচেম্বৰৰ ভিতৰত ৱাংগালা আৰু অক্টোবৰ বা নৱেম্বৰত নংক্ৰেম নৃত্য উৎসৱ পাতে।
এই সময়ত যথেষ্ট লোক এই গাওঁখনলৈ ভ্ৰমণৰ বাবে আহে। ২০১৪ চনত মাওলিননং গাঁও খনত প্ৰায় ৯৫ টা পৰিয়াল আছিল আৰু সাক্ষৰতাৰ হাৰ ইয়াৰ ৯০% ।
আনহাতে ২০১৯ চনত ইয়াত ৯০০ জন বাসিন্দা আছিল।ইয়াৰ স্থানীয় লোকসকলৰ মুখ্য জীৱিকা হৈছে কৃষি আৰু পাণ হৈছে মুখ্য শস্য। জনসংখ্যাৰ বেছিভাগেই খ্ৰীষ্টান আৰু গাওঁখনত তিনিটা গীৰ্জা আছে।
মাওলিননং গাওঁখনত জীৱন্ত ৰুট ব্ৰীজ নামৰ এখন ব্ৰীজ আছে আৰু এই গাওঁৰ প্ৰত্যেক ঘৰ মানুহে নিজ নিজ চৌপাশ সমূহ পৰিষ্কাৰ কৰি ৰখাৰ লগতে গাওঁ খনৰ আলি-বাট সমূহো পৰিষ্কাৰ কৰি ৰাখে।
মাওলিননং ইয়াৰ পৰিষ্কাৰ পৰিচ্ছন্নতাৰ বাবে জনাজাত।
এই গাওঁৰ আৱৰ্জনাবোৰ বাঁহেৰে তৈয়াৰ কৰা ডাষ্টবিনত সংগ্ৰহ কৰা হয়।নাইবা গাঁত এটালৈ নিৰ্দেশিত কৰা হয় আৰু তাৰ পিছত সাৰ হিচাপে ব্যৱহাৰ কৰা হয়।এটা সামূহিক প্ৰচেষ্টাই সকলো বাসিন্দাক গাওঁখন পৰিষ্কাৰ কৰাত অংশগ্ৰহণ কৰাটো নিৰ্দেশ দিয়ে।
গাওঁখনত বৰষুণৰ পানী সংগ্ৰহক উৎসাহিত কৰা হয় লগতে ধূমপান আৰু পলিথিনৰ ব্যৱহাৰ নিষিদ্ধ কৰা হয় গাওঁ খনত।