পাকিস্তানৰ খাইবাৰ পাখতুনখোৱাত পথ দুৰ্ঘটনাত।জিঅ’ নিউজৰ বাতৰি অনুসৰি এখন যাত্ৰীবাহী বাছ আৰু এখন গাড়ী গভীৰ খাদত ডুব যায়,যাৰ ফলত প্ৰায় ৩০ জন যাত্ৰী নিহত হয় আৰু ১৫ জন আহত হয়।
মঙলবাৰে খাইবাৰ পাখতুনখোৱাৰ কোহিস্তান জিলাৰ কাৰাকোৰাম ঘাইপথত দুখন গাড়ীৰ মুখা মুখিৰ সংঘৰ্ষ হোৱাৰ ফলত বাহন দুখন গভীৰ খাদত ডুব যায়।
জিঅ’ নিউজৰ প্ৰতিবেদন অনুসৰি, যাত্ৰীবাহী বাছখন গিলগিটৰ পৰা ৰাৱালপিণ্ডিঅভিমুখে গৈ আছিল যেতিয়া প্ৰদেশৰ শিটিয়েল অঞ্চলৰ বিপৰীত ফালৰ পৰা অহা এখন গাড়ীৰ সৈতে সংঘৰ্ষ হয়। ঘটনাটোৰ বিষয়ে অৱগত হোৱাৰ পিছত আৰক্ষী আৰু উদ্ধাৰকাৰী বিষয়াসকল ঘটনাস্থলীত উপস্থিত হয়। আৰক্ষীয়ে আহত আৰু মৃতদেহবোৰ চিকিৎসালয়লৈ স্থানান্তৰ কৰে।উদ্ধাৰকাৰী বিষয়াসকলে কয় যে উদ্ধাৰ অভিযানত যথেষ্ট অসুবিধাৰ সন্মুখীন হয়।
পাকিস্তানৰ ৰাষ্ট্ৰপতি ড০ আৰিফ আলভিয়ে বাছ দুৰ্ঘটনাত প্ৰাণ হেৰুওৱাৰ বাবে গভীৰ শোক প্ৰকাশ কৰে। তেওঁ এই শোকাৱহ ঘটনাত হোৱা মৃত্যুত শোক প্ৰকাশ কৰে আৰু শোকসন্তপ্ত পৰিয়ালৰ বাবে প্ৰাৰ্থনা কৰে।
