কাছাৰ,১৩মাৰ্চ : ৰাজস্থানত বিক্ৰী কৰা বৰাকৰ ৩ কিশোৰীক উদ্ধাৰ। ৰাজস্থানৰ জয়পুৰৰ পৰা উদ্ধাৰ ৩ কিশোৰীক। কাছাৰ আৰক্ষীৰ এটা দলে উদ্ধাৰ কৰে কিশোৰীক। ঘটনাৰে জড়িত মূল অভিযুক্ত লীলা ৰামক গ্ৰেপ্তাৰ।
কাছাৰৰ আৰক্ষী অধীক্ষক নোমল মহত্তই বুধবাৰে এক সংবাদমেলত কয় যে চলিত বৰ্ষৰ ২৪ জানুৱাৰীত গুমৰা কৰ্মকাৰ পদাবিৰ এজন বাসিন্দাই নাবালক কন্যাৰ নিৰুদ্দেশৰ সৈতে জড়িত গোচৰ ৰুজু কৰিছিল। আৰু গোচৰৰ ভিত্তিত আৰক্ষীয়ে অভিযান আৰম্ভ কৰে(3 Assam teenagers sold in Rajasthan, rescued)।
আৰক্ষী অধীক্ষকে জনোৱা মতে, ৫ জানুৱাৰীত ৰূপালী দত্ত আৰু গংগা গঞ্জুৱে তেওঁৰ ১৫ বছৰীয়া কন্যা আৰু তেওঁৰ ওচৰ-চুবুৰীয়াক চাকৰি দিয়াৰ অজুহাতত অচিনাকি স্থানলৈ লৈ গৈছিল। কিশোৰীগৰাকীয়ে কেনেবাকৈ পলায়ন কৰিবলৈ সক্ষম হয় যদিও ছোৱালীজনী নিৰুদ্দেশ হৈ আছে।
ঘৰ পোৱাৰ পিছতে ছোৱালীজনীয়ে পৰিয়ালটোক জনায় যে তাইক অচিনাকি মানুহক বিয়া কৰাবলৈ বাধ্য কৰা হৈছে। এই তথ্য লাভ কৰাৰ পিছত আৰক্ষীয়ে পলম নকৰাকৈ চাৰিজনীয়া এটা বিশেষ দল গঠন কৰি জয়পুৰলৈ প্ৰেৰণ কৰে। তাতে অসম আৰক্ষীৰ বিশেষ দলটোৱে আই পি এছ আনন্দ শৰ্মাৰ সহযোগত নিৰুদ্দেশ হোৱা কিশোৰীগৰাকীক উদ্ধাৰ কৰে।
লগতে পঢ়ক : WATCH | Bongaigaon News : নৰ্থ বঙাইগাঁও পুলিচ পহৰা চকীত উত্তপ্ত পৰিস্থিতি