18 killed, four injured in road accident in Chhattisgarh : শ্ৰমিক কঢ়িয়াই নিয়া বাহন দুৰ্ঘটনাগ্ৰস্ত;নিহত ১৮জন শ্ৰমিক,আহত ৪জন
নেশ্যনেল ডেস্ক,২০মে’ : এক মৰ্মান্তিক দুৰ্ঘটনা। থিতাতে নিহত ১৮জনকৈ লোক । আহত হৈছে আন কেইবাজনো লোক(18 killed, four injured in road accident in Chhattisgarh)।
ছত্তিশগড়ৰ কাৱাৰধা জিলাত সংঘটিত হৈছে এক শোকাৱহ পথ দুৰ্ঘটনা । সোমবাৰে সংঘটিত ছত্তিশগড়ৰ কাৱাৰধা জিলাত শ্ৰমিক কঢ়িয়াই নিয়া পিকআপ ভান নিয়ন্ত্ৰণহীন হৈ বাগৰি পৰে ।পাত চিঙি ঘূৰি অহাৰ পথতে বাহনখনে নিয়ন্ত্ৰণ হেৰুৱাই পথৰ পৰা প্ৰায় ২০ ফুট তললৈ বাগৰি পৰে। ফলত থিতাতে নিহত হয় ১৮জনকৈ লোক । আহত হৈছে আন কেইবাজনো লোক। এই ভয়ংকৰ দুৰ্ঘটনাত নিহত হোৱা আটাইসকল লোক শ্ৰমিক আছিল(18 killed, four injured as mini goods vehicle plunges into valley in Chhattisgarh’s Kabirdham)।
স্থানীয় লোকৰ ভাষ্য অনুসৰি এই ভয়ংকৰ দুৰ্ঘটনাত নিহত হোৱা শ্ৰমিকসকল কুকদুৰ আৰক্ষী থানাৰে অন্তৰ্গত বাহপানী গাঁৱৰ বাসিন্দা। আৰক্ষীৰ মতে নিহত ১৮ জনৰ ভিতৰত ১৬ গৰাকীয়েই মহিলা আৰু দুনজ পুৰুষ। এইসকলো আদিবাসী লোক।
এই ভয়ংকৰ দুৰ্ঘটনাটো সংঘটিত হোৱাৰ লগে লগে স্থানীয় লোকসকলে ঘটনা সন্দৰ্ভত আৰক্ষীক খবৰ দিয়ে আৰু আৰক্ষীয়ে ঘটনা সন্দৰ্ভত খবৰ পোৱাৰ লগে লগে ঘটনাস্থলীত উপস্থিত হয় আৰু উদ্ধাৰ অভিযান আৰম্ভ কৰে। স্থানীয় আৰক্ষীয়েও ততাতৈয়াকৈ আহত লোকসকলক উদ্ধাৰ কৰি হাস্পতাললৈ প্ৰেৰণ কৰে আৰু নিহত লোকসকলৰ মৃতদেহ উদ্ধাৰ কৰে আৰু সকলো মৃতদেহ মৰণোত্তৰ পৰীক্ষা বাব স্থানীয় চৰকাৰী হাস্পতাললৈ প্ৰেৰণ কৰে।
ইফালে এই দুৰ্ঘটনাৰ সন্দৰ্ভত এক্স হেণ্ডলত ছত্তিশড়ৰ উপ-মুখ্যমন্ত্ৰী বিজয় শৰ্মাই এই দুৰ্ঘটনাত হৃদয় বিদাৰক আখ্যা দি মৃতকৰ পৰিয়াললৈ সমবেদনা জ্ঞাপন কৰিছে। লগতে তেওঁ আহতসকলৰো দ্ৰুত আৰোগ্য কামনা কৰিছে। ৰাজ্য চৰকাৰে স্থানীয় প্ৰশাসনৰ সহয়াত আটাইৰে পৰিয়ালক সকলোধৰণৰ সহায়, সহযোগিতাৰ আশ্বাস প্ৰদান কৰিছে।