13 arrested as NIA raids over 44 locations : ISISৰ সন্ত্ৰাসবাদী ষড়যন্ত্ৰৰ গোচৰত ১৩ জনক গ্ৰেপ্তাৰ NIAৰ
নেশ্যনেল ডেস্ক, ৯ ডিচেম্বৰ : ISISৰ সন্ত্ৰাসবাদী ষড়যন্ত্ৰৰ গোচৰত মুঠ ১৩ জন লোকক গ্ৰেপ্তাৰ NIAৰ । শনিবাৰে কৰ্ণাটক আৰু মহাৰাষ্ট্ৰৰ ৪৪ টা স্থানত NIAল য়ে চলোৱা তালাচীৰ পিছত মহাৰাষ্ট্ৰৰ পুনেৰ পৰা এই ১৩ জন লোকক গ্ৰেপ্তাৰ কৰে ।
উল্লেখ্য যে,ISISৰ লিংক বিচাৰি NIA য়ে মহাৰাষ্ট্ৰ, কৰ্ণাটকৰ প্ৰায় ৪৪টা স্থানত অভিযান চলাই । মহাৰাষ্ট্ৰ আৰু কৰ্ণাটকৰ আৰক্ষী বাহিনীৰ সৈতে ঘনিষ্ঠ সমন্বয়ত সন্ত্ৰাসবাদ বিৰোধী সংস্থাৰ চোৰাংচোৱাই এই স্থানসমূহত তালাচী চলোৱা বুলি সূত্ৰত প্ৰকাশ(ISIS terror conspiracy case) ।
শনিবাৰে পুৱাৰ পৰা অভিযান চলাই থকা ৪৪ টা স্থানৰ ভিতৰত সংস্থাটোৰ চোৰাংচোৱাই কৰ্ণাটকৰ এটা স্থান, পুনেত দুটা, থানে গ্ৰাম্যত ৩১ টা, থানে চহৰৰ নটা আৰু ভায়ান্দৰত এটা স্থানত তালাচী চলায় বুলি সংস্থাটোৱে কয়(13 arrested in ISIS terror conspiracy case following NIA raids in Maharashtra, Karnataka) ।
এই গোচৰটো অভিযুক্ত ব্যক্তি আৰু তেওঁলোকৰ সহযোগীসকলে ৰচনা কৰা এক অপৰাধমূলক ষড়যন্ত্ৰৰ সৈতে সম্পৰ্কিত । গোচৰটোত অভিযোগ কৰা হৈছে যে এই লোকসকলে আল-কায়দা আৰু আইএছআইএছকে ধৰি সন্ত্ৰাসবাদী সংগঠনসমূহৰ হিংসাত্মক সন্ত্ৰাসবাদী আদৰ্শৰ প্ৰতি আকৰ্ষিত কৰিবলৈ চেষ্টা কৰিছিল আৰু এটা সন্ত্ৰাসবাদী দল গঠন কৰিছিল ।
ইয়াৰ উপৰি অভিযোগ আছে যে সন্ত্ৰাসবাদী সংগঠনবোৰে ভাৰতত ইছলামিক শাসন প্ৰতিষ্ঠা কৰিবলৈ হিংসাত্মক জিহাদ কৰাৰ বাবে ধৰ্মীয় ভাবাবেগ পৰিচালনা কৰাৰ উপৰি সমমনস্ক যুৱক-যুৱতীসকলক তেওঁলোকৰ পৰিকল্পনাত নিয়োগ কৰিছিল(13 arrested as NIA raids over 44 locations in Karnataka and Maharashtra) ।
জানিব পৰা মতে, এনআইএয়ে মহাৰাষ্ট্ৰৰ থানেৰ ভিৱান্দিৰ পাদঘা গাঁৱত এক ডাঙৰ অভিযান চলায় । মহাৰাষ্ট্ৰ এটিএছৰ সহায়ত এনআইএয়ে চলোৱা এই অভিযানত ৭-৮ জন লোকক আটক কৰে । উল্লেখ্য যে পদঘা গাঁও এনআইএৰ লক্ষ্যত পূৰ্বৰে পৰা আছিল । আনহাতে, পুণেত সন্ত্ৰাসবাদীৰ গোচৰ পোৱাৰ পিছত পদঘা গাঁৱৰ পৰা দুইৰ পৰা তিনিজন লোকক গ্ৰেপ্তাৰ কৰা হৈছিল ।
লগতে পঢ়ক : ISIS terror conspiracy case: ISISৰ লিংক বিচাৰি ৪৪টা স্থানত NIAৰ অভিযান