নিউজ ডেস্ক,২৭নৱেম্বৰ : পুনৰ এবাৰ USTMৰ জয় জয়কাৰ। জ্ঞানদীপলৈ চাকৰি USTM ৰ ।
ৰাজপথত গুণ্ডাৰূপী আৰক্ষীৰ বৰ্বৰ আক্ৰমণৰ বলি হোৱা জ্ঞানদীপলৈ আশাৰ খবৰ। কেইদিনমান পূৰ্বে ফাঁচীবজাৰৰ ৰাজপথত পাণবজাৰ থানাৰ ভাৰপ্ৰাপ্ত বিষয়া ভাৰ্গৱ বৰবৰাই যি বৰ্বৰভাৱে আক্ৰমণ কৰিছিল জ্ঞানদীপক সেইয়া অসমবাসী ৰাইজে দেখিছে শুনিছে। নিজকে সিংহম বুলি ভাৱি ৰাজপথত এগৰাকী মেধাৱী ছাত্ৰক অসম আৰক্ষীৰ এইজন ভাৰপ্ৰাপ্ত বিষয়া ভাৰ্গৱ বৰবৰাই একপ্ৰকাৰহ চিনেমা শ্বুটিং কৰাৰ দৰে ঘটনা সংঘটিত কৰিছিল। ইয়াৰ পাছতেই ৰাজ্যজুৰি প্ৰতিক্ৰিয়াৰ সৃষ্ঠি হৈছিল। আৰু সেইগৰাকী মেধাৱী ছাত্ৰ জ্ঞানদীপৰ মুখত সুখৰ হাঁহি।
USTM ত SECTION OFFICERৰ পদত নিযুক্তি জ্ঞানদীপ হাজৰিকাক।মাহিলী ৩০ হাজাৰ টকা লাভ কৰিব জ্ঞানদীপ হাজৰিকাই।লগতে জ্ঞানদীপৰ MBA পঢ়াৰ সুবিধা বিনামূলীয়া হব।
এই ঘোষণা USTMৰ কৰ্তৃপক্ষৰ। প্ৰথমে ৬ মাহ প্ৰশিক্ষণ দিয়া হ’ব জ্ঞানদীপক। প্ৰশিক্ষণ কালতো জ্ঞানদীপে লাভ কৰিব দৰমহা। ২৫ নৱেম্বৰত USTMৰ অধ্যক্ষ মহবুবুল হকক সাক্ষাৎ কৰে জ্ঞানদীপে। USTMৰ অধ্যক্ষগৰাকীক সাক্ষাৎ কৰাৰ সময়তে জ্ঞানদীপক চাকৰিৰ বাবে অফাৰ কৰে মাহবুবুল হকে। নতুন চাকৰিয়ে জ্ঞানদীপলৈ কঢ়িয়াইছে আশাৰ ৰেঙনি।
USTMৰ এই পদক্ষেপ একেমুখে শলাগ লৈছে ৰাজ্যবাসীয়ে
.ইয়াৰ পূৰ্বেও উচ্ছেদিত নিকুমণিৰ কথা মনতক আছেনে। নিকুমণিৰ পৰিয়ালক সংস্থাপন দিছিল USTM কৰ্তৃপক্ষই। ইয়াৰোপৰি প্ৰত্যেক বছৰে ৪০০ ছাত্ৰ-ছাত্ৰীক বিনামূলীয়াকৈ নামভৰ্তি কৰি আহিছে USTMৰ অধ্যক্ষ মহবুল হকে।পঢ়াৰ খৰচ উলিয়াবলৈ ডেলিভাৰী বয় হিচাপে কাম কৰা জ্ঞানদীপক প্ৰহাৰ কৰাৰ পিছতে ৰাজ্যবাসীয়ে একেমুখে ধিক্কাৰ দিছিল গুণ্ডাৰূপী আৰক্ষী বিষয়া ভাৰ্গব বৰবৰাক। ৰাজ্যবাসীয়ে শলাগ লৈছিল পঢ়াৰ খৰচ উলিয়াবলৈ দিনে ৰাতি কষ্ট কৰা জ্ঞানদীপ হাজৰিকাৰ। কটনৰ প্ৰাক্তন ছাত্ৰজনৰ ন্যায়ৰ দাবী তুলিছিল ৰাজ্যবাসীয়ে। কিন্তু সেইখিনি সময়তে ছাত্ৰজনলৈ USTMৰ অধ্যক্ষ মহবুবুল হকে চাকৰি আগবঢ়োৱা বাতৰিয়ে দখল কৰিলে সংবাদ শিৰোনাম। USTMৰ এই ঘোষণাই ছাত্ৰজনৰ জীৱনলৈ কঢ়িয়াই আনিছে আশাৰ ৰেঙনি।
লগতে পঢ়ক :Sensational incident: সাৱধান! আপোনাৰ ঘৰতো বনকৰা যুৱতী আছে নেকি ?