হাইলাকান্দিত ভয়াবহ পথ দুৰ্ঘটনাত অৱসৰপ্ৰাপ্ত শিক্ষকৰ মৃত্যুত উত্তেজনাই বিৰাজ কৰিছে। তীব্ৰ বেগী অ’ল্টোৰ খুন্দাত থিতাতে শিক্ষক নিহত হোৱাত ৬ নং ৰাষ্ট্ৰীয় ঘাইপথ অৱৰোধ কৰি স্থানীয় ৰাইজৰ প্ৰতিবাদ৷ বুধবাৰে সন্ধিয়া হাইলাকান্দি জিলাৰ আলগাপুৰত সংঘটিত শোকাৱহ পথ দুৰ্ঘটনাত থিতাতে নিহত হয় তফজ্জুল আলী লস্কৰ নামৰ এগৰাকী অৱসৰ প্ৰাপ্ত শিক্ষক। ৰাষ্ট্ৰীয় ঘাইপথত অতিক্ৰম কৰাৰ সময়তে তীব্ৰ বেগী অল্টো গাড়ীয়ে খুন্দিয়াই পলায়ন কৰে। লগে-ভাগে ঘটনাস্থলিতে মৃত্যু হয় তফজ্জুল আলীৰ। ঘটনাৰ পিছতে স্থানীয় ৰাইজে ৬ নং ৰাষ্ট্ৰীয় ঘাইপথ অৱৰোধ কৰি প্ৰতিবাদ সাব্যস্ত কৰে। যাৰ ফলতে ৰাষ্ট্ৰীয় ঘাইপথত সৃষ্টি হয় তীব্ৰ যান-জঁটৰ। প্ৰায় দুই ঘন্টা চলা অৱৰোধৰ পিছতে জিলা প্ৰশাসন আৰু আৰক্ষীৰ লোক ঘটনাস্থলিত উপস্থিত হৈ ৰাষ্ট্ৰীয় ঘাইপথক মুক্ত কৰে।
