ক’ভিডত মৃত্যু হ’ল জনপ্ৰিয় ইউটিউবাৰ ভুৱন বামৰ পিতৃ আৰু মাতৃৰ

অভিনেতা তথা জনপ্ৰিয় ইউটিউবাৰ ভুৱন বামে কভিড ১৯ত হেৰুৱালে পিতৃ আৰু মাতৃক। ভুৱনে শনিবাৰে ইনষ্টাগ্ৰামত এই কথা প্ৰকাশ কৰি কৈছিল যে কভিড-১৯ৰ জটিলতাৰ বাবে তেওঁৰ পিতৃ আৰু মাতৃৰ মৃত্যু হৈছে। ইনষ্টাগ্ৰামত ভুৱনে লিখিছিল যে, “মোৰ দুয়োটা জীৱনৰেখা কভিডৰ বাবে হেৰুৱালোঁ। আই আৰু বাবাৰ অবিহনে জীৱন অত্যন্ত কষ্টকৰ। এমাহতেই সকলো ধ্বংস হৈ গ’ল। মোৰ ঘৰ, মোৰ সপোন, মোৰ সকলো।  মোৰ দেউতা মোৰ ওচৰত নাই, মোৰ মা মোৰ ওচৰত নাই। এতিয়া সম্পূৰ্ণ আৰম্ভনিৰ পৰা জীৱনৰ আৰম্ভণি কৰিব লাগিব।”তেওঁ লগতে কয়, “মই ভাল পুত্ৰ নাছিলোঁ নেকি? মই তেওঁলোকক বচাবলৈ পৰ্যাপ্ত পৰিমাণে চেষ্টা কৰিছিলোঁ নে? এই প্ৰশ্নবোৰৰ মই উত্তৰ চিৰদিনৰ বাবে বিচাৰি থাকিব লাগিব। তেওঁলোকক পুনৰ চাবলৈ মই আৰু অপেক্ষা কৰিব নোৱাৰোঁ। মই আশা কৰোঁ যে সেই দিনটো সোনকালে আহক।”