নিউজ ডেস্ক,২৮নৱেম্বৰ: দুৰ্ঘটনাত পতিত বৰযাত্ৰীৰ বাহন ।শিশু, মহিলাসহ আহত ৬গৰাকীকৈ লোক।
ৰঙিয়াত সংঘটিত হৈছে ভয়ংকৰ পথ দুৰ্ঘটনা।বুধবাৰে নিশা ৰঙিয়া ২৭নং ৰাষ্ট্ৰীয় ঘাইপথৰ বৰলীয়া নৈৰ দলঙৰ ৰেলিঙত প্ৰচণ্ড জোৰে খুন্দা বৰযাত্ৰীৰ বাহনখনে। নিশাৰ অন্ধকাৰত নিয়ন্ত্ৰণ হেৰুৱাই AS-15AA-3244 নম্বৰৰ আৰ্টিকা বাহনে বৰলীয়া নৈৰ ওপৰত থকা দলঙত খুন্দা মাৰে। ফলত বাহনখনৰ ভিতৰত থকা আটাইকেইগৰাকী যাত্ৰী আহত হয়(Tragic road accident)।
আহত সকলৰ ভিতৰত এটি শিশু, বাক্সা জিলাৰ ৰুমী নাথ (৩৯), চন্দ্ৰ কান্ত নাথ (৪০), পাটাছাৰকুছিৰ যোগেন চন্দ্ৰ দাস (৫৫), বজালীৰ জয়জান দাস (৫১), কামৰূপৰ বাণীকান্ত কলিতা (৪৬) আৰু মৰিগাঁৱৰ সৰুকণ শইকীয়া (৫৫)।
এই দুৰ্ঘটনাটোৰ পিছতে বন্ধ হৈ পৰে গুৱাহাটী অভিমুখী ২৭নং ৰাষ্ট্ৰীয় ঘাইপথ(Tragic road accident in Rangia)।
পিছত ভয়ংকৰ দুৰ্ঘটনাটো সংঘটিত হোৱাৰ পিছতে ঘটনাস্থলীত আৰক্ষী উপস্থিত হৈ আহতসকলক উদ্ধাৰ কৰি ৰঙিয়াৰ এখন ব্যক্তিগত চিকিৎসালয়ত ভৰ্তি কৰাই।
উল্লেখ্য যে, বাহনখনৰ চালক আৰু দৰাৰ পিতৃ যোগেন দাসৰ অৱস্থা সংকটজনক বুলি জানিব পৰা গৈছে।