নিউজ ডেস্ক,১১ছেপ্তেম্বৰ : এক মৰ্মান্তিক দুৰ্ঘটনা । হাৰ্ডৱেৰ দোকানত থকা ইনভাৰ্টাৰত শ্বৰ্ট লাগি মৃত্যু যুৱকৰ ।
বৰপেটাৰ জিলাৰ চেঙাৰ ভেল্লাত সংঘটিত হৈছে এক মৰ্মান্তিক ঘটনা। বিদ্যুতৰ শ্বৰ্ট শ্বাৰ্কিটৰ ফলত কৰুণ মৃত্যুক ভেল্লাৰ খন্দকাৰপাৰাৰ গাঁৱৰ এজন যুৱকৰ ।পিতৃৰ হাৰ্ডৱেৰ দোকানত থকা ইনভাৰ্টাৰত শ্বৰ্ট হোৱাৰ ফলত সংঘটিত হয় এই হৃদয় বিদাৰক ঘটনাটো(Tragic incident)।
Related Posts
মৃত্যু হোৱা যুৱকজনৰ নাম ভেল্লা আল কালাম হক বুলি জানিব পৰা গৈছে । ব্যৱসায়ী হাৰুণ আলীৰ পুত্ৰ কালামৰ বয়স হৈছিল ১৯ বছৰ।
ঘটনা সংঘটিত হোৱাৰ পাছতে কালামক সংকটজনক অৱস্থাত বৰপেটাৰ ফখৰুদ্দিন আলি আহমেদ মেডিকেল কলেজলৈ নিয়া হয় যদিও চিকিৎসকে মৃত বুলি ঘোষণা কৰে যুৱকজনক। এই অনাকাঙ্খিত খবৰে বৃহত্তৰ ভেল্লাবাসী ৰাইজক শোকত ম্ৰিয়মান কৰি তোলে।