শাওণৰ বতৰত ৰাজপথত ভূঁ‌ই ৰোৱাত ব্যস্ত একাংশ জনতা

এতিয়া শাওণৰ বতৰ, গাঁৱৰ কৃষক ৰাইজ ব্যস্ত কৃষি পথাৰত মাটি চহ কৰাৰ লগতে ভূঁই ৰোৱাত ৷ কিন্তু পৰিৱৰ্তনশীল চৰকাৰৰ উন্নয়নৰ বাবেই আজি পথাৰৰ সলনি এজাক ডেকাই তিনিচুকীয়াৰ ডিমৰুহুলাত এনেদৰেই পথৰ ওপৰত ভূঁই ৰুইছে । তিনিচুকীয়া বিধানসভা সমষ্টিৰ অন্তৰ্গত লাংকাছি গাঁও পঞ্চায়ৰ ৬নং ৱাৰ্ডৰ ডিমৰুহুলা গাঁ‌ৱৰ এটা পথৰ দুৰৱস্থা। উন্নয়নৰ শ্লোগান গোৱা বিজেপি চৰকাৰৰ বিৰুদ্ধে ক্ষুণ্ণ হৈ এনেদৰেই পথৰ ওপৰতে ভূঁই ৰুই গাঁ‌ওবাসীয়ে সাব্যস্ত কৰিছে তীব্ৰ প্ৰতিবাদ। ডিমৰুহোলা গাঁ‌ৱৰ পৰা চিৰিং গাঁ‌ও সংযোগী পথটো যাতায়াতৰ সুবিধা হোৱাকৈ নিৰ্মাণৰ বাবে চৰকাৰৰ ওচৰত বাৰম্বাৰ দাবী জনাই অহাৰ পিছতো পথটো মেৰামতি নকৰাত স্থানীয় বিধায়ক সঞ্জয় কিষাণৰ বিৰুদ্ধে তীব্ৰ প্ৰতিবাদ সাব্যস্ত কৰি অতিশীঘ্ৰেই পথচোৱা নিৰ্মাণ কৰিবলৈ দাবী জনায়৷ অন্যথা আগন্তুক বিধানসভাৰ নিৰ্বাচনত প্ৰত্যুত্তৰ দিবলৈ সাজু বুলি সকীয়নি প্ৰদান কৰে।