পশুপালন মন্ত্ৰী অতুল বৰাৰ গৃহ জিলাৰ পশু চিকিৎসা কেন্দ্ৰৰ দুৰৱস্থা

এইখন গোলাঘাটৰ কাকডোঙাৰ মাজুকুছি পশু চিকিৎসা কেন্দ্ৰ। ১৯৮৫ চনত সেই সময়ৰ অগপ চৰকাৰৰ কাৰ্যকালতে স্থাপন হৈছিল কেন্দ্ৰটো। কিন্তু দীৰ্ঘদিন ধৰি বিভাগীয় কৰ্তৃপক্ষ তথা স্থানীয় জনপ্ৰতিনিধিৰ অমনোযোগিতাৰ বাবে এতিয়া এনেদৰেই জহি-খহি হাবি-জংঘলৰে আগুৰি ধৰিছে পশু চিকিৎসা উপ-কেন্দ্ৰটো। উল্লেখ্য যে কৃষিজীৱী কাকডোঙা অঞ্চলৰ ৪২খন গাঁৱৰ ৰাইজৰ আশা-ভৰসাৰ একমাত্ৰ পশু চিকিৎসালয়খন এনেদৰে বন্ধ হৈ থকাত অঞ্চলটোৰ ৰাইজে ভুগিছে যমৰ যাতনা৷ সাধাৰণ পশু-পক্ষীৰ কিবা এটা হ’লেই পশু চিকিৎসক বিচাৰি যাব লাগে ২০-২৫ কিলোমিটাৰ যাতায়ত কৰি গোলাঘাট নগৰ বা  দেৰগাঁও চহৰলৈ। স্থানীয় ৰাইজে অচিৰেই পশু চিকিৎসা কেন্দ্ৰটোৰ আন্তঃগাঁঠনি নিৰ্মাণ কৰি চিকিৎসক নিযুক্তি দিবলৈ দাবী জনাইছে মন্ত্ৰী অতুল বৰাক।