ডিগবৈত কণ্টেইনমেণ্ট জ’নত আৱদ্ধ ৰাইজৰ ক্ষোভ

কেন্দ্ৰীয় মন্ত্ৰী ৰামেশ্বৰী তেলি কোৱাৰেণ্টাইনত থকাৰ পিছতো যদি মন্ত্ৰী চন্দ্ৰমোহন পাটোৱাৰীৰ লগত বাঘজানত ঘূৰি ফুৰিব পাৰে তেন্তে আমাক কিয় মুকলি কৰি দিব নোৱাৰে? এই অভিযোগ ডিগবৈৰ কণ্টেইনমেণ্ট জ’নত আৱদ্ধ ৰাইজৰ৷ কনণ্টেইনমেণ্ট জ’নটোত আৱদ্ধ হৈ থকা শতাধিক পৰিয়ালে বেৰিকেডৰ সন্মুখলৈ ওলাই আহি কণ্টেইনমেণ্ট জ’নটো খুলি দিবলৈ দাবী জনায়৷

২৮ মে’ত সান্ত্বনা দাস নামৰ মহিলাগৰাকীৰ কভিড পজিটিভ পোৱাৰ পিছতে ২৯ মে’ত এলেকাটোত কণ্টেইনমেণ্ট জ’ন হিচাপে ঘোষণা কৰিছিল প্ৰশাসনে৷ কিন্তু পৰৱৰ্তী সময়ত সান্ত্বনা দাসৰ লগতে তেওঁৰ পৰিয়ালৰ সদস্যৰ পৰীক্ষাৰ ফলাফল নিগেটিভ আহে৷ আৰু এতিয়া ৰাইজে কণ্টেইনমেণ্ট জ’নটো খুলি দিবলৈ প্ৰশাসনক দাবী জনায়৷