ডিজিটেল ডেস্ক:- মধ্যপ্ৰদেশৰ শিহৰণকাৰী দুৰ্ঘটনা।এখন ৰৈ থকা চাৰিচকীয়া বাহনত খুন্দ তীব্ৰ বেগী ট্ৰাকৰ।ঘটনাটো সংঘটিত হৈছে মধ্যপ্ৰদেশৰ গোৱালিয়ৰ পানীহাৰ টোল প্লাজাত।
গোৱালিয়ৰৰ পানীহাৰ টোল প্লাজাত এখন তীব্ৰবেগী ট্ৰাকে ৰৈ থকা এখন চাৰিচকীয়া বাহনত খুন্দা মাৰে ফলত মৃত্যু হয় এজন লোকৰ ।দুৰ্ঘটনাটো ইমানে ভয়ংকৰ আছিল যে তীব্ৰবেগী ট্ৰাকখনে চাৰিচকীয়া বাহনখনক খুন্দিয়াই প্ৰায় ১০০ মিটাৰ দূৰলৈ চোচৰাই লৈ যায়। ফলত চাৰিচকীয়া বাহনখনৰ চালকজনৰ মৃত্যু হয়।
ঘটনা সংঘটিত হোৱা অঞ্চলত সংস্থাপিত চিচি টিভি এই শিহৰণকাৰী দুৰ্ঘটনাটোৰ দৃশ্য বন্দি হৈ পৰে। ফুটেজত দেখা গৈছে যে ট্ৰাকখনে পিছফালৰ পৰা গাড়ীখনত খুন্দা মাৰে।
ইফালে এই ঘটনাত গাড়ীখনৰ মৃত চালকৰ সৈতে বহি থকা আন এজন লোকক সংকটজনক অৱস্থাত চিকিৎসালয়ত ভৰ্তি কৰোৱা আছে।এই শোকাৱহ দুৰ্ঘটনাটো সংঘটিত হোৱাৰ পিছত ঘটনাস্থলত আৰক্ষীৰ লোক উপস্থিত হৈ তদন্ত আৰম্ভ কৰে।