ভুৰাগাঁও আৰক্ষী থানাৰ অন্তৰ্গত জৰিবৰ গাঁৱত আজি পুৱাই সংঘটিত হয় এক শোকাৱহ ঘটনা। বিদ্যুৎস্পৃষ্ট হৈ মৃত্যু হয় এজন যুৱকৰ। জৰিবৰ গাঁৱৰ অৱসৰপ্ৰাপ্ত বিশিষ্ট শিক্ষক ধীৰেন নাথ বৰদলৈৰ কণিষ্ঠ পুত্ৰ ৰূপজ্যোতি বৰদলৈয়ে অন্য দিনাৰ দৰেই পুৱাই নিজৰ দোকানলৈ গৈ বৈদ্যুতিক মটৰৰ ছুইছ দিবলৈ লওঁতেই বিদ্যুৎস্পৃষ্ঠ হৈ সংঘটিত হয় এই শোকাৱহ ঘটনা । যুৱকজনক ততাতৈয়াকৈ মৰিগাঁও অসামৰিক চিকিৎসালয়লৈ লৈ যোৱা হয় যদিও আদবাটতে মৃত্যু ঘটে যুৱকজনৰ। সহজ-সৰল অমায়িক স্বভাৱৰ যুৱকজনৰ মৃত্যুত সমগ্ৰ অঞ্চলজুৰি শোকৰ ছাঁ পৰে।
Next Post