শিশুসকলক বন্যপ্রাণীৰ গুৰুত্বৰ বিষয়ে শিক্ষিত কৰক : মন্ত্রী মামা নাটুং
১২ নৱেম্বৰ: পৰিৱেশ আৰু বন মন্ত্ৰী মামা নাটুঙে বৃহস্পতিবাৰে জিৰো অৰ্কিড সংৰক্ষণ আৰু প্ৰচাৰ কেন্দ্র পৰিদৰ্শন কৰে। য’ত ইয়াৰ ওচৰৰ হাপোলি বন বিভাগৰ বিভাগীয় বন কাৰ্যালয়ত ৭০ প্ৰকাৰৰ অৰ্কিড সংৰক্ষণ আৰু প্ৰেৰণ কৰা হৈছে। হাপোলি বন বিভাগৰ বিষয়া আৰু কৰ্মচাৰীৰ সৈতে বাৰ্তালাপ কৰি নাটুঙে কাৰ্যালয়ত অৰ্কিড সংৰক্ষণ আৰু প্ৰচাৰ কেন্দ্রৰ ধাৰণাটো লৈ অহাৰ বাবে তেওঁলোকক প্ৰশংসা কৰে।
মন্ত্রীগৰাকীয়ে কয় যে বন্যপ্রাণী সংৰক্ষণৰ ক্ষেত্রত অধিক সজাগতা সৃষ্টি কৰিবলৈ বিভাগটোৱে জনসাধাৰণৰ সৈতে সংযোগ স্থাপন কৰা উচিত। নাটুঙে বিষয়াসকলক এসপ্তাহত এটা দিন উলিয়াবলৈ আৰু জিলাখনৰ বিভিন্ন চৰকাৰী বিদ্যালয়ৰ শিশুসকলৰ ওচৰলৈ যাবলৈ তেঁওলোকক বন্যপ্রাণী আৰু ইয়াৰ গুৰুত্বৰ বিষয়ে শিকোৱাৰ পৰামৰ্শ দি কয় “গ্ৰাম পঞ্চায়ত নেতাসকলৰ সহায়ত, ডিএফঅ’ৰ বিষয়াসকলে শিক্ষাৰ্থীসকসক বন্যপ্রাণীৰ গুৰুত্বৰ বিষয়ে শিকোৱাৰ বাবে এটা দিন নিৰ্ধাৰণ কৰিব পাৰে।
ই কেৱল সেই শিক্ষাৰ্থীসকসক শিক্ষিত কৰাই নহয়, বন্যপ্রাণী সংৰক্ষণৰ ক্ষেত্রত বিভাগটোৱে কৰা বিভিন্ন প্ৰচেষ্টাৰ তথ্য প্ৰচাৰৰ ক্ষেত্রত এক মানৱ শৃংখলা গঢ়ি তোলাত সহায় কৰিব। তেঁও লগতে সমবেত লোকসকলক আশ্বাস দিয়ে যে বিভাগটোৱে শীঘ্রেই কৰ্মচাৰীসকলৰ ‘প্ৰদৰ্শন’ৰ আধাৰত তেঁওলোকক প্ৰচাৰ কৰিব, যাৰ বাবে বিভাগটোৱে এটা নীতিৰ ওপৰত কাম কৰি আছে আৰু শীঘ্রেই ইয়াক কাৰ্যকৰি কৰা হ’ব।