নিউজ ডেস্ক, ১০ ছেপ্তেম্বৰ : সাম্প্ৰতিক সময়ত যুৱ প্ৰজন্মৰ মাজত সন্ত্ৰাসবাদী মনোভাৱ বৃদ্ধি পোৱাৰ লগতে বহু যুৱক যুৱতীয়ে নিষিদ্ধ ঘোষিত সংঘঠন সমূহত যোগদান কৰিছে।
তাৰ লগে লগে সষ্টম হৈ পৰিছে আৰক্ষী তথা প্ৰশাসন।
PLA কেডাৰৰ সম্পৰ্কে লাভ কৰা নিৰ্দিষ্ট তথ্যৰ ভিত্তিত মণিপুৰ আৰক্ষীৰ ( Manipur police) এটা দল আৰু মোৰেহ বেটেলিয়নৰ (Moreh battalion) সৈন্যই যুটীয়াভাৱে এটা অভিযান আৰম্ভ কৰে।
শুকুৰবাৰে ইণ্ডো-ম্যানমাৰ সীমান্তৰ মণিপুৰৰ টেংনুপাল জিলাৰ মোৰেহৰ জাংনোই গাঁৱৰ পৰা নিষিদ্ধ পিপলছ লিবাৰেচন আৰ্মী (PLA)ৰ তিনিজন কেডাৰক অস্ত্ৰ-শস্ত্ৰ আৰু গোলাবাৰুদৰ সৈতে আটক কৰে।
এজন আৰক্ষী বিষয়াই জানিব দিয়ে যে তেওঁলোকৰ দখলৰ পৰা এটা AK শৃংখলাৰাইফল, দুটা ০.৩২ পিষ্টল আৰু ১৪ টা জীৱন্ত গুলী উদ্ধাৰ কৰা হৈছে।
বিষয়াসকলৰ মতে, বিদ্ৰোহীসকলে নিৰাপত্তা বাহিনীক লক্ষ্য কৰি অনুপ্ৰৱেশৰ চেষ্টা কৰি আছিল।
পৰৱৰ্তী সময়ত, গ্ৰেপ্তাৰ কৰা বিদ্ৰোহীসকলক উদ্ধাৰ কৰা সামগ্ৰীৰ সৈতে অধিক অনুসন্ধানৰ বাবে মোৰেহ আৰক্ষীক গতাই দিয়ে।