Local, Vocal, Global

মণিপুৰ : ৭ খন জিলাত ডেংগুৰ প্ৰাদুৰ্ভাৱৰ খবৰ পোৱা গৈছে

0 16

মণিপুৰৰ সাতখন জিলাৰ পৰা মুঠ ৩৫ টা ডেংগু ৰোগী নিশ্চিত হৈছে, সৰ্বাধিক ইম্ফল পূব জিলাত হৈছে।মুঠ ঘটনাৰ ভিতৰত,ইম্ফল ইষ্টৰ চিংমেইৰঙত ২২ টা নিশ্চিত কৰা হৈছিল।

বিষয়াসকলৰ মতে, ২০ জন পুৰুষ, ১০ গৰাকী মহিলা আৰু ৫ টা শিশু সংক্ৰমণত আক্ৰান্ত হৈছিল।

ডেংগুৰ দ্বাৰা সংক্ৰমিত অন্যান্য জিলাবোৰৰ ভিতৰত আছে – চুৰাচান্দপুৰ, চান্দেল, তামেংলং, ইম্ফল পশ্চিম, কাংপোকপি, আৰু থৌবাল।

অৱশ্যে, সংক্ৰমণৰ উৎস এতিয়াও জানিব পৰা হোৱা নাই, কিন্তু আমদানি কৃত সংক্ৰমণ প্ৰাদুৰ্ভাৱৰ কাৰণ বুলি সন্দেহ কৰা হৈছে।

“আমি সন্দেহ কৰোঁ যে প্ৰাদুৰ্ভাৱটো ৰাজ্যৰ বাহিৰত উদ্ভৱ হৈছিল। চিংমেইৰং চহৰ, য’ত ২২ টা ঘটনা নিশ্চিত হৈছে, পোনপটীয়াকৈ তিনিতাৰকা হোটেল এখনৰ পৰা অৱস্থিত য’ত অতিথিসকলৰ বেছিভাগেই ৰাজ্যৰ বাহিৰৰ পৰ্যটক। তদুপৰি, এই অঞ্চলত ডেংগু জ্বৰৰ আগৰ কোনো ঘটনা ধৰা পৰা নাই,” – এজন বিষয়াই জনায়।

এইটো মন কৰিবলগীয়া যে এই বছৰৰ ছেপ্টেম্বৰৰ সময়ছোৱাত চিংমেইৰঙত প্ৰথম ঘটনাটো ধৰা পৰিছিল। স্বাস্থ্য কৰ্তৃপক্ষই প্ৰতিৰোধমূলক প্ৰক্ৰিয়া গ্ৰহণ কৰা আৰম্ভ কৰিছে, যেনে – ফগিং, ৰাসায়নিক পদাৰ্থ ছটিয়াই দিয়া, আৰু প্ৰভাৱিত জিলাবোৰত ঘৰে ঘৰে জৰীপ কৰা।

Leave A Reply

Your email address will not be published.