নিউজ ডেস্ক, ১ ছেপ্টেম্বৰ : অসমৰ ধেমাজি জিলাৰ জোনাই আৰক্ষী থানাৰ অন্তৰ্গত বসুন্ধপুৰত (Basundhapur) বুধবাৰে নিশা শিশু অপহৰণৰ সন্দেহত ৩০ বছৰ বয়সৰ আৰু মানসিকভাৱে অসুস্থ এজন মানসিক ৰোগীক জনতাই হত্যা কৰাৰ অভিযোগ উত্থাপিত হৈছে।
গাওঁবাসীসকল ব্যক্তিজনক লৈ শংকিত আছিল। তেওঁলোকে ব্যক্তিজনক শিশু অপহৰণৰ সন্দেহত আটক কৰি কেইবাটাও প্ৰশ্ন সুধিছিল । তেওঁ সেইবোৰৰ উত্তৰ দিব নোৱাৰাৰ বাবে জনতাই তেওঁক আক্ৰমণ কৰিবলৈ আৰম্ভ কৰিছিল আৰু পৰৱৰ্তী সময়ত তেওঁৰ মৃত্যু হৈছিল।
বাতৰি অনুসৰি, লোকজনক ততাতৈয়াকৈ চিকিৎসালয়লৈ লৈ যোৱা হৈছিল কিন্তু তেওঁ আঘাতপ্ৰাপ্ত হৈ মৃত্যুবৰণ কৰিছিল। আনহাতে, লোকজনক বৰ্তমানেও চিনাক্ত কৰা হোৱা নাই । ঘটনা সন্দৰ্ভত পৰৱৰ্তী অনুসন্ধান অব্যাহত আছে।
ধেমাজিৰ উপ আৰক্ষী অধীক্ষক (মুখ্য কাৰ্যালয়) এ টি ডলীয়ে কৈছিল “প্ৰাথমিক অনুসন্ধানে প্ৰমাণ কৰিছিল যে ব্যক্তিজন ১৫ বছৰ ধৰি মানসিকভাৱে অসুস্থ আছিল। যেতিয়া জনতাই তেওঁক জেৰা কৰিবলৈ আৰম্ভ কৰিছিল তেতিয়া তেওঁ কোনো উপযুক্ত উত্তৰ প্ৰদান কৰাত ব্যৰ্থ হ’ব পাৰে, যাৰ ফলত তেওঁলোক ক্ষুব্ধ হৈছিল।”
এই হত্যাৰ ঘটনাৰ বাবে পৰৱৰ্তীসময়ত আৰক্ষীয়ে সাতজন গাওঁবাসীক জেৰাৰ বাবে জিম্মাত লৈছে।
আনহাতে, স্থানীয় লোকে মাতৃয়ে বুজি পোৱাৰ আগতে মৃতব্যক্তিজনে মাতৃৰ কোলাৰ পৰা এটা শিশু থপিয়াই লৈ গৈছিল। মহিলাগৰাকীয়ে চিঞৰ বাখৰ কৰাৰ লগে লগে ওচৰত বহু জনতা একত্ৰিত হৈছিল আৰু মানুহজনক আঘাত কৰিবলৈ আৰম্ভ কৰিছিল।